صـــحــبــ الشباب المصرى والعربى ــــــة مـــــــ احنا ملوك المنتديات ـــــــصـــــر

يرجى تسجيل ايميل المنتدى للاستعلامات So7bamsr@yahoo.com

مطلوب مشرفين على جميع الاقسام رشح نفسك دلوقتى على القسم الذى تريده


    > واحد وخطيبته

    شاطر

    ŠŷŝŤěм ÅŋĝęŁ
    Admin
    Admin

    عدد المساهمات : 1047
    تاريخ التسجيل : 20/01/2010
    العمر : 23
    المزاج : مفيش مفيش

    > واحد وخطيبته

    مُساهمة من طرف ŠŷŝŤěм ÅŋĝęŁ في الأحد يونيو 20, 2010 1:13 pm

    هو وهى يسيران على الكورنيش .. الجو حار .. الشمس محرقة .

    هي : عطشانة .

    هو : وأنا كمان .

    هي : يعنى ... عايزة اشرب!

    هو : أكيد مادام عطشانة يبقى عايزة تشربي .

    هي : المفروض – بما أن عندك إحساس يعنى – إني لما أقولك عطشانة تجيب لي حاجة ساقعة .

    هو : ومين اللي هيحاسب ؟؟

    هي : أنت طبعاً .

    هو : منين ياحسرة .. ماانتى عارفة الكانز وغطاه .

    هي : ماقلتش عايزة كانز .. كفاية إزازة صاروخ .

    هو : طب لو هاتجيبى اعزمينى معاكى .

    هي : يابنى أنت مابتحسش ، وبعدين بقالنا 3 ساعات ماشيين ، أنت مش ناوي تقعدنا ولا إيه؟

    هو : عندك الكورنيش كله .. اختاري الرصيف اللي يعجبك .

    هي : قصدي تعزمنى في مكان شاعري .

    هو : في الحر ده .. ماينفعش .

    هي : بلاش دى .. نأخد مركب عالكورنيش .

    هو : المراكب بتغرق اليومين دول .. خلينا ع البر أحسن .

    هي : بلاش المركب تعالى نأكل ترمس .. أظن ده رخيص .

    هو : إنتى تضمني منين إن الراجل غاسل إيده وغاسل الترمس .

    هي : أعوذ بالله .. إنت مقفلها كده ليه ؟؟

    هو : بصراحة معييش فلوس .

    هي :يا سلام!! .. ماأنت كان معاك إمبارح .


    هو : إمبارح دخلت سينما مع مُزة حلوة كده فالفلوس خلصت .

    هي : مزة ؟؟!! وبتقولها في وشى .

    هو : أكذب عليكى يعنى .

    هي : لأ .. تحرق دمى أحسن .

    هو : أنا مش شامم حاجة .

    هي : يخرب بيت البرود .

    هو : برود إيه ؟؟ ماهو الجو مولع أهو .

    هي : إنت اللي بارد .

    هو : بارد إزاى ؟؟ دا أنا بشُر عرق .

    هي : بقولك إيه .. روحنى .

    هو : أروحك ؟! هو إنتى ماتعرفيش تروحي لوحدك .

    هي : آآآآه .. طب أنا ماشية .

    هو : ليه يا حبيبتي؟؟

    هي : حبك برص .

    هو : الله يسامحك .. ميرسى .

    هي : بجد كده كتير .

    هو : كتير إيه ؟؟

    هي : إرحمنى .. واضح إن الحر بيجى معاك بالعكس .. يا بارد .

    هو : يعنى مصممة تمشى ؟؟

    هي : أيوة وحالاً كمان .

    هو : طب استني لما نوصل آخر الشارع .

    هي : اشمعنى ؟؟


    هو : أصل أنا ساكن هناك .. و مايرضكيش أروح لوحدى

    هى : يا ناس الحقونى الواد ده بيعاكسنى

    وكعادة الشعب المصري الشهم الناس كلها اتلمت عليه و .... الله يكون في عونه








    tota
    صحباوى على حق
    صحباوى على حق

    +75 نقطة

    عدد المساهمات : 501
    تاريخ التسجيل : 02/06/2010
    العمر : 22
    المزاج : خايفة اوووووووى

    رد: > واحد وخطيبته

    مُساهمة من طرف tota في الأحد يونيو 20, 2010 4:17 pm

    ده فعلا بارد اوى
    تسلم ايدك

      الوقت/التاريخ الآن هو الأحد ديسمبر 11, 2016 3:47 pm