صـــحــبــ الشباب المصرى والعربى ــــــة مـــــــ احنا ملوك المنتديات ـــــــصـــــر

يرجى تسجيل ايميل المنتدى للاستعلامات So7bamsr@yahoo.com

مطلوب مشرفين على جميع الاقسام رشح نفسك دلوقتى على القسم الذى تريده


    الحب في سن المراهقة حلم ولا حقيقة ؟؟؟؟؟

    شاطر

    virus
    المراقب العام
    المراقب العام

    +75 نقطة

    عدد المساهمات : 479
    تاريخ التسجيل : 09/02/2010
    العمر : 28
    المزاج : تمامــــــــــــــا نــــــــــجــــــة

    الحب في سن المراهقة حلم ولا حقيقة ؟؟؟؟؟

    مُساهمة من طرف virus في الأحد يوليو 18, 2010 6:14 pm

    سلامى قبل كلامى على احلى واجدع ناس فى الدنيا دى كلها وبالاخص الناس الحلوة اللى هنا


    ارجو من الله ان تكونوا فى اتم صحة وسعادة انشاء الله وارجو الاستفادة والافادة من هذا الموضوع


    انا المرة دى مش عايز منك غير ان تستفيد من الموضوع دة بس برده ردك عندى مهم بس الاهم انك تستفيد


    انا النهاردة موضوعى مختلف جدا عن كل مواضيعى السابقة وانا بوجة كلامى الى الناس اللى مش عايز اقول


    فى سن المراهقة لا هنقول سن الاطلاع والمعرفة لكل ما حولنا من تجارب ومشاعر واحاسيس مختلفة


    يعنى كلامى للناس اللى هنا فى سن الجامعة او فى الثانوى او اصغر بشوية وطبعا الناس العاقلة الكبيرة اللى هنا


    طبعا تدخل وتقرا وتضيف اى اضافة على كلامى اهو المهم اننا نعلم بعض ونتعلم من بعض ونستفاد برده


    لاحظت فى الفترة الاخيرة انى المشاكل كلها والردود برده من ناس لاتتعدى ال20 عاما واصغر واللى بيقول


    انا تعبان ومش لاقى حل واللى بيقول مش عارف اعيش من غيرها واللى بيقول هانتحر خلاص وكل واحد شايف مشكلته


    اكبر مشكلة فى الدنيا من وجهة نظره طبعا وكل واحد بيغنى على ليلاه وانا واثق انه هيكون فى تضارب واختلاف فى الافكار


    فى هذا السن الحرج سواء للولد او البنت بيهتم جدا بالمظهر العام وده على حساب حاجات تانية وتبدأ مشاعره فى


    النضج والبحث عن الحب بأى طريقة ممكنة ويبدا يفهم ويعرف معانى كتيرة من حوله اهمها على الاطلاق


    المشاعر الحب العاطفة وطبعا اول ما بيدق القلب بيدق معاة ناقوس الخطر عند ذلك الشخص هنتكلم النهاردة عن الحب اللى


    في السن ده طبعا كلنا عارفين انى الحب لا ليه زمان ولا مكان ولا ميعاد بيجى كدة دون سابق انذار وانا من الناس اللى


    بترفض تسمية الحب فى هذا السن بحب المراهقة لان هذا الحب لايتعدى مرحلة الاعجاب مش اكتر لاننا كلنا عارفين فى


    الفترة دى المشاعر بتبقى متقلبة الى حد ما وبيكون الانسان شخصيتة اللى هيعيش بيها بقية عمره ؟؟؟


    هاسالك سؤال وجاوب بينك وبين نفسك لو انت فى السن دة ومرتبط او مرتبطة بانسان او انسانة وشوفت واحدة احلى


    منها واستايل عنها ودماغها حلوة عنها او البنت طبعا نفس الكلام هتلاقى نفسك بكل بساطة بتنجذب اليها دون ما تشعر بذلك


    ومع اول مشكلة بينكوا تخلع عارف لية ( علشان كل ده مش حب ده مجرد اعجاب )


    لانى اللى بيحب بجد مهما شاف ومهما عرف بتبقى عندة حبيبتة او حبيبها مالى عينها قوى وعنده بالدنيا كلها


    تعالى شوف الايام دي تلاقى واحد او واحدة لسة خارجة من قصة حب وتدخل فى التانية وده مش فى سنك انت لوحدك


    لا ده بقى يحصل مع الناس الكبيرة العاقلة كمان اللى مفروض هيبقوا مسئولين عن اسرة كاملة وهيفتح بيت


    مابالك انت بقى وفى سنك الصغير دة قولى بقى بينك وبين نفسك فكر فيها واحسبها كويس متخافش واجة نفسك انت احسن


    بدل ما حد تانى يواجها فكر بالراحة كدة وقولى يمكن متقتنعش بكلامى ويمكن تقتنع بس المهم انك تفهم وتعرف


    طبعا فى ناس هتقولى لا انا بحبها بجد هاقولك جايز مش مجرد اعجاب يعنى ماشى مصدقك ومعاك


    اقولك يمكن نسبة ضيئلة جدااا بيحصل معاهم ده وممكن الحب ده يكمل بس لازم يكون فى شرط هنا العقل ثم العقل ثم العقل


    هاقولك لية علشان الحب ببساطة كدة مش ماسكة ايد ولا 00000 ولا كلام بقوله وخلاص ولا وعود فى الهوا ولا


    خروجة او فسحة فى مكان عام ولا انى اقول لاصحابى انا بحب فلانة لا يا باشاااا الحب اسمى وارقى من كدة بكتيرررر


    الحب اهتمام الحب احساس راقى الحب اخلاق الحب سلوك جميل الحب عطاء الحب اخلاص الحب وفاء وحاجات كتيرة


    الحب وعد كلمة بنطقها ببقى قدها مسئولية من يوم ماا رتبط بالانسانة دى هاعمل علشانها اية هبقى اية فى نظر اهلها


    هاتقدم ازاى هاجيب شقة ازاى هاسعدها ازاى هابقى ايه وعايز ايه كل ده طبعا انت مش بتفكر فية ومتقولش لا


    الحب انك تدى ومش تستنى المقابل من اللى بتحبه الحب اشياء جميلة قوى طيب اتكلمنا فى الحب والمشاعر


    تعالي اقولك حاجة ايه اللى بيخليك برده وانت فى السن ده تقعد تقول مفيش حب وكل البنات خاينة وكل الاولاد وحشين


    ما انت من شوية كنت بتحب وبتتحب لا طبعا لما يوصل بيك الحال لكدة يبقى فين عقلك ما هى هى وعندك حق برده


    ما انت اللى اخترت واختيارك كدة مش عايز اقول بنيت احلامك على حد مش مسئول عن كلمته تبقى ترجع وتقولى


    مفيش حاجة اسمها حب لا بقى اسمحلى انت غلط وتفكيرك غلط وبكرة تفهم دة وتعرفة لوحدك ما انا مش عايزك توصل لكدة


    بشوف ناس كتيرة قوى فى السن دة تقول ايه للناس اللى مرتبطين بيهم 0000


    لو النهاردة مش قابلتينى كل شئ بينا انتهى وناس تانية تقول انتى مش كلمتينى النهاردة ولا رنيتى عليا يبقى انتى مش بتحبيبنى


    وناس تالتة تقولك انتى كلمتى قريبك او صاحبك فى الجامعة او جارك وانتى فاهم الباقى طبعا وبيصدق اى كلام عليك


    طيب بذمتك دة منطق او طريقة تفكير هتقولى لا مش انا الكلام ده مش بينطبق عليا طيب ما احان شوفنا المشاكل اللى هنا


    وقد اية الناس متعذبة بالحب واشياء كلها لاتذكر والاقى ناس داخلة تقول انا مش عارف اعمل اية وتبص تلاقى المشكلة


    ولا حاجة يا جماعة احنا مش عاوزين نوصل لكدة ولو انت مرتبط بواحدة هتلاقى اللى احسن منها هتجرى عليها وتسيب


    دى بسهولة وحياة ابوك ما تقولى لا انا مش ضدك والله انا معاك وجنبك وبفهمك حاجات غايبة عنك الحب انك تحب الانسان


    دة لشخصه مش شكله و الحب محتاج وعى و تفكير سليم ابقى عارف انا رايح فين وجاى منين مش عايز اقول كل الشباب


    والبنات اللى فى السن ده (المراهقة ) واسف انى بقول عليهم كدة مش بيكونوا على دراية كافية بامورهم ولا عارفين


    مصلحتهم كويس ولا عارف شكل الحياة عاملة ازاى ولا مستقبله بيخخط لية ازاى كل اللى فى دماغة احب واتحب


    واخرج واتفسح وامسك ايدها حبة وناكل لقمة على السريع ونشرب حاجة ساقعة وبعد كدة اعمل جدع واوصلها والحياة


    حلوة قوى قوى معانا ومعاها ومية مية وانا كدة عايش ومبسوط اوى ويا سلام بقى لو كانت معاك فى الجامعة كدة بقت فل


    قوى واضمن انى اشوفها كل يوم وارسم فى قلوب وسهمين واقول واتعلم شوية كلام حلو واحفظلى كام اغنية رومانسية


    علشان اول ما اشوفها ابص فى عيونها واقولها مش ده اللى بيحصل ولا انا غلطان يا باشا ويا قمر منك ليها


    وبعد كدة بقى تحصل الكارثة اللى هى من وجهة نظره والمشاكل تكتر


    الخلاصة بقى علشان انا طولت عليكوا وانتوا اكيد زهقتوا منى وهتزعلوا من كلامى ويمكن ميعجبش بعضكم


    بعد كدة الواحد يبدا فى النضج وتفكيره يختلف وتيجى بقى تفكر فى كل اللى فات هتلاقى ولا كان لية اى قيمة


    ولا كان حب من اصلة وتفضل تضحك على نفسك كان كله مشاعر اه بس لا تتعدى الاعجاب يمكن برئية اه معاك


    انا مش ضدكوا والله ولا ضد الحب فى السن دة لا ياعم والله حب واتحب براحتك بس مش عايز يجى عليك اليوم واللحظة


    اللى تقولى فيها انا هانتحر خلاص ومش عارف اعيش من غيرها ومش قادر اعيش ومفيش حاجة اسمها حب ولا عارف


    اكل ولا اشرب وتقريبا بقيت شبه محطم والبنات كلهم وحشين وغدارين والاولاد كلهم وحشين وملهمش امان وكلام كتير


    كل دة ولا لية اى قيمة وبكرة هافكرك وتقول ماندو قال بس ربنا يديلك ويدينى طولة العمر


    وخليك فاكر دائما انا مش ضدك بالعكس انا معاك وبحاول اقنعك ويهمنى مصلحتك واوعيك مش اكتر ولا هاخد منك حاجة


    ولا عايز منك ان ترد وتقولى كلام كل عايزه منك تفهم كلامى وتخليه فى دماغك كويس قوى بكرة تقول علية


    كان مجرد حلم وانا بقى مش عايزك تبنى حياتك ومستقبلك على احلام ياإما تتحقق او مش هتتحقق ؟؟؟
    وشكرا ليكم واتمني انكوا متكونوش زهقتوا مني







    راقِبْ أفكارَكَ لأنها ستُصبِحُ أفعَالاً
    راقِبْ أفعالَكَ لأنها ستُصبِحُ عادات
    راقِبْ عاداتَكَ لأنها ستُصبِحُ طِباعاً
    راقِبْ طِباعَكَ لأنها ستُحدِّدُ مصِيـرَكَ
    فالْعُمْرُ لَحَظَاتْ وَلَكِنْ بَعْضْ اللَحَظَاتْ عُمْرْ




    dina
    صحباوى مستجد

    عدد المساهمات : 2
    تاريخ التسجيل : 09/07/2010
    العمر : 21
    المزاج : تمام التمام

    رد: الحب في سن المراهقة حلم ولا حقيقة ؟؟؟؟؟

    مُساهمة من طرف dina في الإثنين يوليو 19, 2010 2:30 am



    منكرش انى مختلفة معاك بس كلامك مؤثر جدا

    يمكن فى ناس تكون متفقه معاك بس مش عايزة تعترف

    بجد الموضوع مهم وحلو جدا

    دينا

    tota
    صحباوى على حق
    صحباوى على حق

    +75 نقطة

    عدد المساهمات : 501
    تاريخ التسجيل : 02/06/2010
    العمر : 22
    المزاج : خايفة اوووووووى

    رد: الحب في سن المراهقة حلم ولا حقيقة ؟؟؟؟؟

    مُساهمة من طرف tota في الإثنين يوليو 19, 2010 12:53 pm

    نيس توبيك
    تسلم ايدك يا فيرس
    وكلامك كله صح وانا معاك فى كده

    Memoo
    صحباوى كبير
    صحباوى كبير



    عدد المساهمات : 1056
    تاريخ التسجيل : 02/02/2010
    العمر : 19

    رد: الحب في سن المراهقة حلم ولا حقيقة ؟؟؟؟؟

    مُساهمة من طرف Memoo في الإثنين يوليو 19, 2010 1:43 pm

    بجـــد يافيــرس الموضوع تحـــــفة
    وعلي فكره انا جالي هستريه ضحك مش عــــارفة ليه
    بــــس أنا معاك في كل كلمة قولتها
    لان ده اللي بيحصل بجـــد
    تعيش وتفيدنا بخبرتك ياجــــميل
    تقبل مروري

    miss smsma
    صحباوى جدع
    صحباوى جدع

    عدد المساهمات : 325
    تاريخ التسجيل : 30/06/2010
    العمر : 23
    المزاج : خلاص معدتش تفرق سينا من سونيا

    رد: الحب في سن المراهقة حلم ولا حقيقة ؟؟؟؟؟

    مُساهمة من طرف miss smsma في الإثنين يوليو 19, 2010 8:51 pm


    لاحظت فى الفترة الاخيرة انى المشاكل كلها والردود برده من ناس لاتتعدى ال20 عاما


    انا نفسي اعرف لاحظت امتي يا فيرس هو انت عامل موضوع حلاااااال المشاكل واحنا منعرفش

    ولا وعود فى الهوا

    ايه دا يا عمنا وسمعنا موعود بالعذاب يا قلبي والهوا طاير طاير تلعب بيه الظفاير


    هههههههههههههههههههههههههههههههههههههههههههههههههههههههههههههه

    اوعي تزعل يا فيرس انا بضحك معاااااااك يا عمنا وربنا تسلم مووضووع مهم وكل انسان بيمر بالمرحله دي بس الحقيقه الي كتير مننا مش هيقدر يستوعبها او يفكر اصلا انها موجوده ان مرحله المراهقه دي جزء من اي انسان في الدنيا وبيحس فيها انه بيحب حتي لو كان ولو ليه دا اكيد انه وهم ومش حب حقيقي ولو انت وانا واي حد في الدنيا مهما ادينا نصايح او كتبنا 100 موضوع يبقي الحال كما هو عليه كل واحد فينا لازم يمر بيها في ناس بتطلع منها مستفيده بتجربتها ومش بتتالم منها وفي ناس بتنطوي علي نفسها وتحس انها اخر الدنيا ونهايه العالم

    عموما للي عادو سن 17 بنقوووووووووووووول ارفع راسك يا اخي او ياختي قد مضي عهد الاستعمار

    تسلم يا فيرس موضوع مهم ويا ريت يفيد الناس كلها

    تقبل فلسفتي ودمي الشربات

    Mя.CoPrA
    Admin
    Admin

    عدد المساهمات : 258
    تاريخ التسجيل : 01/02/2010
    العمر : 26

    رد: الحب في سن المراهقة حلم ولا حقيقة ؟؟؟؟؟

    مُساهمة من طرف Mя.CoPrA في الثلاثاء يوليو 20, 2010 1:08 am

    اخى الكريم فيرس
    بدايه احيك على ماخط قلمك من ابداع وتميز
    فانا اتفق معك فى بعض مما ذكرت واختلف معك فى البعض الاخر
    ولكن اخى الكريم الحب ياتى فى اى وقت واى زمان واى سن
    ولكن تختلف درجه الحب من شخص الى اخر والشخصيات التى تتحدث عنها موجوده وبكثره
    ولكن هناك من هم فى سن المراهقه ويحبون ويستمر حبهم الى ان يصبح زواجا وبيتا
    وانا رايت مثل تلك الاشياء
    اخى الكريم خلاصه الحديث مادامت هناك نسبه تنجح فى هذا السن
    اذا فهناك حب حقيقى فى سن المراهقه ولكن الاغلبيه مثلما ذكرت يكون اعجاب بالمظهر
    فى اى شئ فى الدنيا مادامت هناك نسبه نجاح ولو بسيطه اذا فلا يوجد اخطاء
    ارجو ان تكون فهمت وجهه نظرى ورايى
    مشكور فيرس حبيبى على التميز
    تقبل مرورى باه يابرنس

      الوقت/التاريخ الآن هو الخميس ديسمبر 08, 2016 11:49 am