شعر روع بحبك يا مصر Gwgt0-11


انضم إلى المنتدى ، فالأمر سريع وسهل

شعر روع بحبك يا مصر Gwgt0-11

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

صـــحــبــ الشباب المصرى والعربى ــــــة مـــــــ احنا ملوك المنتديات ـــــــصـــــر

يرجى تسجيل ايميل المنتدى للاستعلامات So7bamsr@yahoo.com

مطلوب مشرفين على جميع الاقسام رشح نفسك دلوقتى على القسم الذى تريده


    شعر روع بحبك يا مصر

    الفتاة الجميلة
    الفتاة الجميلة
    صحباوى مستجد


    عدد المساهمات : 14
    تاريخ التسجيل : 01/08/2012
    المزاج : مخنوقة

    شعر روع بحبك يا مصر Empty شعر روع بحبك يا مصر

    مُساهمة من طرف الفتاة الجميلة الأربعاء أغسطس 01, 2012 2:02 am

    بَحِبِّكْ يامصرْ



    بَحِبِّكْ يا مصرْ ..

    وبعشقْ ترابكْ .

    وألِفْ المداينْ ..

    وأرْجعْ لبابِكْ .

    وأحِسْ بكيانى ..

    وكرامتى فْ رحابِكْ .

    يقولوا فقيره ..

    يقولوا أسيره ..

    بشوفِكْ أميره ..

    وأحبِّكْ يا مصرْ .



    بحبِّكْ ملايه .. ومنديلْ بِقُويا .

    مقالبْ من أختى .. وغتَاته مْنْ أخويا .

    ودعوه مِنْ أمى .. تنسينى همِّى ..

    وحِكْمَه مْنْ أبويا.

    وأحبِّكْ صبيِّه .. على البحرْ جايَّه ..

    فى ساعةْ عصَارى .

    ونسمه قُبَالْها .. تطيَّرْ فى شالْها ..

    تبَيِّنْ جمالها .. وتِرجعْ تدارى .

    وأحبِّكْ مراكبْ .. تعدِّى إللِّى راكبْ ..

    لبرْ الأمانْ .

    يدوبْ جوَّا نيلكْ .. ويعطشْ يجيلكْ ..

    يقوللِّكْ كمانْ .



    وأقابلِكْ ببُوسه .. فى زفِّةْ عروسه ..

    ولَمَّه فى بيتنا ..

    مع ولادْ حارتْنا ..

    تدُقْ المزاهرْ .. ترُدْ المزامرْ ..

    تزَغْردْ جارتْنا .

    نهلِّلْ .. نغنى ..

    وحلمْ التمنِّى ..

    ينورْ ليليتنا .

    وأحبِّك زياره لبيتْ عمْ سيدْ ..

    ده أصله فقير مِشْ حيقْدرْ يعَيِّدْ ..

    نعَيِّدْ عليه .. نفرَّحْ عنِيهْ ..

    ويدعيلْنا دعوه بمليونْ جنيه .



    فى أرضِكْ يحِسْ الغريبْ إنُّه مصرى ..

    وإحنا الأجانبْ .

    ويلْقَى الرعايهْ .. ويلْقَى الحمايهْ ..

    على كلْ جانبْ .

    ويمشى ف ربوعِكْ .. ويشبعْ بجوعِكْ ..

    ويعملْ مصايبْ .

    ويرحلْ وينسى .. جِميلِكْ ويقْسَى ..

    ويطْلَعْ يعايبْ .

    ويرْجعْ تسامْحى .. يا ساكنه فْ ملامحى ..

    يا سِتْ الحبايبْ .



    ولادِكْ بَنُوكى .. بروحْهُمْ فَدُوكى ..

    ويِشْهدْ عليهمْ ترابكْ فى سينا .

    ومنهُمْ با عوكى .. عشانْ الشِيروكِى ..

    وفيللَّا فْ مارينا .

    يعيشوا فى خيرِكْ .. ويدُّوهْ لغيركْ ..

    ولادْ اللَّذِينا .

    ولوْ جارْ زمانْهمْ .. يعودُوا لْمكانهمْ ..

    يلاقوا السَكينَهْ .

    وتِنْسِى جحودْهمْ .. وتبكى عليهمْ ..

    عنيكى الحزينهْ .



    فى أرضكْ سرَحْتْ .. فشَلْتْ ونَجَحْتْ ..

    وعشْتْ بْبساطَهْ .

    صاحِبتْ الحمَامْ .. ونِمْتْ فْ سلامْ ..

    ولوَْ عَ البلاطهْ .

    تِغَيَّرْ فى شَكلى ..همومى ومشَاكْلى ..

    لكِنْ روحى لأْ .

    أعَبَّرْ بغنْوهْ .. وأقولْ نُكتهْ حلوهْ ..

    لكِنْ يأسْ لأْ .

    ما طيقْشْ الغَتاتهْ ..

    وقلبى المسالمْ ما يعرفْ شّماتهْ ..

    وأقولْ بالتلاتهْ ..

    بحبِّكْ .. بحبِّكْ .. بحبِّكْ .. يا مصرْ

    :[img]http://ye i love you egypt

      الوقت/التاريخ الآن هو الخميس مارس 28, 2024 7:20 pm