صـــحــبــ الشباب المصرى والعربى ــــــة مـــــــ احنا ملوك المنتديات ـــــــصـــــر

يرجى تسجيل ايميل المنتدى للاستعلامات So7bamsr@yahoo.com

مطلوب مشرفين على جميع الاقسام رشح نفسك دلوقتى على القسم الذى تريده


    دى حاجة تضحك معظمنا كدة

    شاطر
    avatar
    hosny
    صحباوى شغال
    صحباوى شغال

    عدد المساهمات : 77
    تاريخ التسجيل : 28/02/2010
    العمر : 23
    المزاج : في قلب حبيبتي

    دى حاجة تضحك معظمنا كدة

    مُساهمة من طرف hosny في الأحد فبراير 28, 2010 9:07 pm

    مذيع عمل حوار مع واحد مسطول سئله فيها فى الكلام الكبير و هو ده الحوار المنيل

    المذيع= هاسئلك على حبة مصطلاحات و تقولى معناها نتبدى؟
    المسطول=تحت امرك ياغالى


    غسيل الاموال## عملية بتضايق الواحد اوى ياباشا لما يقلع هدومه عشان تتغسل و يكون ناسى فيها المحفظة بتاعته


    التغيير## و لا مؤاخذة يعنى مش لما بيغيروا للعيل لما يكون مبلول
    طب

    الحضارة##ايوه يا باشا مش ديه الى بنخشها و احنا صغيرين الى فيها كى جى 1 و كى جى 2

    الجمهورية ## مش ده الجرنان ابو 75 فرش ده و لا بجنيه تقريبا يا باشا
    برضه

    و البيئة## شتيمة بتتقال لاى حد من منطقة على اد حالها

    و المصريين## لا سهلة اوى ديه يا بيه مش ديه جبنة تلاجة
    طب
    جامعة الدول العربية## تقريبا كده دى جامعة خاصة ما بتخدش مجموع عالى

    رمسيس التانى ## يا يابيه اى مكروباص من عالناصية هنا هينزلك مكان ما انت عايز فى رمسيس

    شهادة الايزو ## اهى دى بقى الى بتاخدها لما تاخد البكلوريوس من جامعة الدول العربية
    طب

    العمل بالسياسة## ايوه يا بيه ديه بتتقال على الى بيشتغل سايس فى جراج

    يادى النيلة
    طب


    سلام عادل و شامل## طب عادل و عرفناه مين شامل ده بقي

    الارهاب## نوع من السلطات بيتقدم مع الكباب

    الشريط الحدودى ## تقريبا الشريط الى جاى بتاع عمرو دياب


    طب الاهرامات ## لا سهلة اوى ديه يا باشا مش الاربعة الى شبه الجبنة النستو دول و بالامارة كمان جمبيهم تمثال ابو عزة الى هو منه راجل و منه قطه مش كده

    قصور الثقافة## ديه بقه البيوت بتاعت الناس الاكابر الله يسهلهلهم

    قناة الجزيرة## تقريبا كده فرع من قناة السويس

    العولمة ## عملية فنية محترمة تحت ادارة فيفى عبده و سهير زكى

    الشفافية## من اهم صفات الهدوم المستخدمة فى العولمة

    طيب المرشح ## دي بتتقال على الحاجة الى بتبوظ فى الحمام و بنجبلها السباك

    التصويت ## الى بتعمله الستات لما حد بيموت عندهم

    حرية النشر## بتعملها الستات على حبال الغسيل فوق السطوح

    التعمير ## اهى ديه بقى يا باشا لما نغير الحجر للشيشة فى الغرزة(القهوة )و

    احمد زويل## صنع فى مصر و تقفيل بلاد برة

    التربية## كانت زمان مسئولية وزارة التعليم دلوقتى مسئولية تجار المواشى

    القانون## الة موسيقية بتطلع اصوات حلوة

    دستور ## الهم احفظنا يا باشا لما يبقى فى بيت مسكون اهله بيقولوا الكلمة ديه للاسياد

    ????
    زائر

    رد: دى حاجة تضحك معظمنا كدة

    مُساهمة من طرف ???? في الإثنين مارس 01, 2010 12:17 am

    ههههههههههههههههههههههههههههههه والله ضحكتنى انا لغايه دلوقت عمال بضحك
    بجد انا مش قادر ابطل ضحك
    تسلم وتقبل مرورى
    avatar
    Mezo love
    صحباوى جدع
    صحباوى جدع

    عدد المساهمات : 297
    تاريخ التسجيل : 24/02/2010
    المزاج : مش فاكر

    رد: دى حاجة تضحك معظمنا كدة

    مُساهمة من طرف Mezo love في الإثنين مارس 01, 2010 12:48 am

    هههههههههههههههه
    ايوه كده يا حسنى ابدع يا فناااااااااااااان

      الوقت/التاريخ الآن هو الإثنين أبريل 24, 2017 1:22 pm