صـــحــبــ الشباب المصرى والعربى ــــــة مـــــــ احنا ملوك المنتديات ـــــــصـــــر

يرجى تسجيل ايميل المنتدى للاستعلامات So7bamsr@yahoo.com

مطلوب مشرفين على جميع الاقسام رشح نفسك دلوقتى على القسم الذى تريده


    شوفوا ازاى هتكون البنت الصغيره فى 2025

    شاطر
    avatar
    Cute NorhaN
    Admin
    Admin

    عدد المساهمات : 522
    تاريخ التسجيل : 21/01/2010
    العمر : 19

    شوفوا ازاى هتكون البنت الصغيره فى 2025

    مُساهمة من طرف Cute NorhaN في الإثنين مارس 01, 2010 9:38 pm

    بسم الله الرحمن الرحيم

    البنت:هاي داد

    الاب:قشطة يامزة

    البنت: عايزاك في بروبليماية كدة

    الاب:ارغي عاوزة اية

    البنت:انا في واحد معايا في الحضانة بيحبني

    الاب:هايل دا السن الطبيعي للحب

    اية بقي المشكلة؟

    البنت:المشكلة اني مش عارفة اني بحبه ولا لأ؟

    الاب:ازاي

    البنت:اصلة كل يوم يعزمني علي مصاصة وبيحاول يتقربلي

    وبيجي يلعب معايا كل يوم بالمكعبات وكدة

    بس انا مش حاسة من ناحيتة بحاجة

    الاب :لية

    البنت:المفروض لو بيحبني بجد يوصلني كل يوم بالعجلة بتاعتة بس هو مش بيعمل

    كدة

    الاب:امال بيعمل اية؟

    البنت:عايز يبين انة ولد كول يعني وبيقعد يعمل خمسات بيها وكدة ومطنشني

    الاب :مطنشك ازاي؟

    البنت:مابيقوليش خدى لفة ولا اي حاجة من كلام الحب دة

    بس برضة ساعات بيعبرلي عن شعورة

    الاب:ازاي

    البنت:هي عيد ميلادي اللي فات جابلي بامبرز هدية بس انا كنت فرحانة بية اوي

    الاب:باية؟

    البنت:بالبامبرز طبعا

    الاب:محاولتيش تخرجي معاه قبل كدة وتفهمية؟

    البنت:خرجنا مرة ورحنا جنينة الاطفال وكان بيمرجحني

    الاب:الخسيس

    البنت:لية بتقول كدة؟

    الاب:عشان مخدنيش معاكوا

    البنت :بس انا لازم احسم الموضوع دة

    الاب:هو دة الصح

    البنت:اوك باي بقي

    الاب:رايحة فين

    البنت:هاخد الرضعة وانام

    يارب تعجبكم

    استنو لما نشوف جدتها كمان

    وبعد كام يوم

    الحفيدة: تيته ميرو إزيك..بقى لي زمان ما قعدتش معاكي

    الجدة: وهو أنا عارفة أتلم عليكي خالص.. ده أنا قاعدة زهقانة قوي ومش لاقية حاجة

    تسليني

    الحفيدة: ومابتفتحيش الدش ليه يا تيته

    الجدة: التليفزيون بقى ممل خالص مافيهوش غير 9700 محطة بس!.وأنا كمان ما بعرفش أغير المحطات!

    الحفيدة: وإيه الحلاوة دي؟ حلو البادي اللي انتي لابساه ده..بس ده موضة قديمة قوي

    ياتيته !

    الجدة : يا بنتي أنا ست دقة قديمة وبالبس زي ما جيلنا الصاعد اتعود وحسب التقاليد

    القديمة بتاعتنا

    الحفيدة : أيوه بس مش حاسة إنك مخنوقة وانتي لابساه؟

    الجدة: أبداً ده هو ده اللبس المحتشم اللي مفروض الكل يلبسه ويحافظ عليه..فين أيام

    زمان لما كنا نلبس البادي اللي مبين البطن والظهر بس، مع البنطلون السترتش

    الجلد …كانت حاجة آخر روشنة

    الحفيدة : ياه يا تيته.. ده انتوا كان ليكم تقاليد غريبة خالص !

    الجدة : وهو انتي فاكرة إن أيامكم دي أيام؟ يا بنتي أيامكم دي ما يعلم بيها إلا ربنا

    .. فين أيام سنة 2002، هي الواحدة فينا كانت تستجري تشرب سيجارة البانجو ولا تسحب لها سطر بودرة

    قدام أبوها؟ طب ده الدنيا كانت تتقلب ساعتها وما تتعدلش .. أمال إيه .. كان

    فيه حاجة اسمها أخلاق

    الحفيدة: معقول يا تيته؟ للدرجة الفظيعة دي!!؟

    الجدة: أمال انتي فاكرة إيه .. وبعدين كانت الست من دول ما تلبسش اللبس الخليع بتاع

    اليومين دول..يعني الجيبة كان ما يقلش طولها عن شبر وربع .. وكانوا الستات

    يلبسوا فوقيها بلوزة باستمرار ..مش زي دلوقتي! حسبي الله ونعم الوكيل!

    الحفيدة : يا خبر .. وإيه كمان ياتيته

    الجدة: ح أقول لك إيه ولا إيه يعني خدي عندك مثلاً .. زمان كنا نسمع الطرب الأصيل

    لمطربين حقيقيين زي مصطفى قمر وعمرو دياب وطبعاً كانت سيدة الغناء "شاكيرا"،

    وكانت الأغنية مدتها أكثر من دقيقتين متواصلين من الطرب الأصيل والموسيقى

    الهادية الراسية اللي تعمر النافوخ بصحيح كانوا مطربين روشين وآخر طحن، حسبي

    الله ونعم الوكيل!

    الحفيدة : وبعدين ياتيته

    الجدة : وبعدين كنا نسمع على حاجة اسمها اسطوانات ليزر، ودي صحيح انقرضت، بس كان ليها

    طعم عن دلوقتي، يا سلام لما كنا نحطها في الووكمان ونعلقها في حزام البنطلون

    كده ونمشي في الشارع كده، كانت أيام جميلة. حسبي الله ونعم الوكيل!

    الحفيدة : حكاويكى ممتعة قوي يا تيته .. ثانية واحدة بس لما أصحي سمسم صاحبي فى

    المدرسة لأنه بايت معايا في الأودة من امبارح ..أصل الإنسان الآلي بتاع

    الصحيان بايظ ولازم نصلحه النهاردة

    الجدة: طيب ياحبيبتي روحي

    (بعد عدة دقائق)

    الحفيدة: هيه يا تيته.. وبعدين

    الجدة : أحلى أيام بقى كانت أيام الدراسة، الفصل كان على أيامنا رايق وعدد التلاميذ

    فيه ما يزيدش عن ستين سبعين تلميذة، وكنا ساعتها بنعرف نفهم الدرس كويس مش زي

    دلوقتي، وكانت الشوارع أيامها فاضية يعني كانت إشارة المرور تقعد ساعة إلا

    ربع بس لأن مصر كلها كان تعدادها 70 مليون مش أكثر، تخيلي بقى الروقان اللي كنا فيه؟ حسبي الله ونعم الوكيل!

    الحفيدة : 70 مليون بس؟!!

    الجدة : أمال إيه .. عشان كده كانت كل حاجة رخيصة ، يعني مثلاً كيلو اللحمة يوم ما

    يضربه الدم كان يبقى بخمسة وعشرين جنيه أو بتلاتين جنيه، وكان أتخن جوز جزمة

    بـ 250 جنيه، وكان الواحد يقدر يشتري شقة تمليك بـ 150 ألف جنيه بس..وكان الدولار بخمسة جنيه بس تخيلي بقى؟

    الحفيدة : ما هو علشان كده الجواز على أيامكم كان سهل خالص، إحنا بقى خلصنا من

    العُقد دي

    الجدة : أُمال إيه .. ده احنا الواحدة مننا كانت بمجرد ما توصل سن 17 سنة تبتدي تفكر في الجواز العرفى على طول، وما كانش عندنا الأفكار الغريبة

    اللي بتعملوها دلوقتي، أنا شخصياً شايفة إن ده أوفر شوية، ده احنا يا بنتي

    على أيامنا كان لا يمكن البنت تتأخر بره البيت عن الساعة أربعة صباحاً، طب ده

    باباها كان ممكن ساعتها يخاصمها !

    الحفيدة : ياي! ده انتوا كنتوا متزمتين خالص ياتيته !!!

    الجدة : يا بنتي إحنا اتربينا على الأخلاق والفضيلة والعادات والتقاليد . يعنى كان

    أهل الفن محتشمين جداً وكانوا دايماً يطلعوا بالمايوهات البيكيني، والمذيعات

    كانوا يقعدوا جنب الضيف مش على ركبته زي دلوقتي.. هيـ يـ يـ يـ ـه الله يرحم

    دي أيام.. فكرتيني بالذي مضى حبي الله ونعم الوكيل!

    (تمسك الجدة بتليفون محمول في حجم علبة الكبريت)

    الحفيدة : ح تكلمي مين يا تيته

    الجدة : الحقيقة أنا كنت موصية الجزار على اتنين كيلو لحمة و اديته 600 دولار عربون وعايزة أطلبه أشوف إذا كانت اللحمة وصلت ولا لأ ..

    الحفيدة: (تنهض من مكانها) تشاو سي يو تيته!

    الجدة: سي يو

    وبعد مرور عدة ساعات انتابت الجدة خلالها غيبوبة بسبب الشيخوخة

    و في المساء دار هذا الحوار بين الجدة والحفيدة:

    الجدة: إنتي كنتي فين يا فتفت؟

    الحفيدة :أصل إحنا أخدنا الولد من الحضانة ..

    الجدة : ولد !! ولد إيه اللي أخدتوه من الحضانة؟

    الحفيدة : آه صحيح أنا نسيت أقول لك .. أصل أنا جبت ولد من سمسم صاحبي

    الجدة: يا بنتي مستعجلين على إيه مش لما تتجوزوا ؟ حسبي الله ونعم الوكيل!

    الحفيدة : يا سلام عليكي يا تيته.. إنتي عليك تحكيمات غريبة..طيب إيه اللي يمنع نخلف من غير جواز أنا شخصياً

    عملتها ونفعت

    الجدة : مشكلتي إني ما باعرفش أزعل منك يا فتفت يا عكروتة ..وسميتوا المحروس إيه بقى

    الحفيدة : سميناه (دوت كوم) ..

    الجدة : نعم ............ دوت كوم؟ نظام هاي تك بقى؟ يعني لما تعوزي تنادي له تدوسي

    (إنتر) ولا إيه بالضبط ؟

    الحفيدة : ها ها ها ها .. إيه الخفة دي يا تيته .. والله فكرة .. لما أعوز أنده له

    أدوس إنتر .. ولما أحب أقول له روح أودتك أدوس (ألت و إف4)

    الجدة: وأخدتوه من الحضانة وديتوه فين بقى؟

    الحفيدة : وديناه النادي الصهيوني بتاع الحي

    الجدة : النادي الصهيوني بتاع الحي؟

    الحفيدة : أيوه .. ده نادي جميل معمول برعاية كبار رجال الأعمال .. وتحت رعاية وزارة

    الزراعة وده بيعلم الأطفال حاجات ظريفة خالص ومصاريفه رخيصة جداً وبعدين

    الولد الكويس ممكن يبعتوه يكمل تعليمه في إسرائيل على نفقة وزارة الزراعة أصل

    (ميدو يوسف والي) وزير الزراعة ده راجل متفتح قوي. هه، أفتح لك التليفزيون

    يا تيته عشان تشوفي نشرة الأخبار

    الحفيدة تضغط الريموت كنترول لنرى شاشة كبيرة بطول وعرض حائط الغرفة، وتظهر

    صوت مذيعة مصحوبا بلقطات للأنباء تقول:

    المذيعة : هاي شلة! إليكم عناوين الأخبار

    أمريكا ترصد 25 مليار دولار لرأس تامر بن محمد بن أسامة بن لادن
    avatar
    mekoo
    مشرفة منتدى اللغات الاجنبية
    مشرفة منتدى اللغات الاجنبية





    عدد المساهمات : 456
    تاريخ التسجيل : 27/02/2010
    العمر : 29
    المزاج : مانجاوي ومحدش ليه دعوه بالمانجا

    رد: شوفوا ازاى هتكون البنت الصغيره فى 2025

    مُساهمة من طرف mekoo في الإثنين مارس 01, 2010 10:02 pm

    موضوع اشطه يا مزه
    هههههههههههههههههههههههههههه
    بس احنا لما نكبر هيتعمل فينا عمايل
    avatar
    RORO
    المراقب العام
    المراقب العام

    عدد المساهمات : 790
    تاريخ التسجيل : 11/02/2010
    العمر : 20
    المزاج : مجنوووونة

    رد: شوفوا ازاى هتكون البنت الصغيره فى 2025

    مُساهمة من طرف RORO في الإثنين مارس 01, 2010 10:22 pm

    هههههههههههههههههههههههههاى
    ايه التوبيك ده يا روكا
    جامد موووووووووووووووت
    تسلمى يا قمــر


    ????
    زائر

    رد: شوفوا ازاى هتكون البنت الصغيره فى 2025

    مُساهمة من طرف ???? في الثلاثاء مارس 02, 2010 12:00 am

    يالهوى بقى انا هبقى اب سبور خالص كده
    لالالالالا والنبى يارب ما تحكم عليا اليوم ده
    ههههههههههههههههههه
    وتسلمى ع الموضوع
    اخوكى فارس
    avatar
    virus
    المراقب العام
    المراقب العام

    +75 نقطة

    عدد المساهمات : 479
    تاريخ التسجيل : 09/02/2010
    العمر : 29
    المزاج : تمامــــــــــــــا نــــــــــجــــــة

    رد: شوفوا ازاى هتكون البنت الصغيره فى 2025

    مُساهمة من طرف virus في الثلاثاء مارس 02, 2010 1:01 am

    هههههههههههههههههههههه
    ايه الجمال ده يا روكا
    حلو قوي والله
    تسلم ايدك
    avatar
    زملكاوى صح
    صحباوى مستجد

    عدد المساهمات : 25
    تاريخ التسجيل : 01/03/2010
    المزاج : نادى الزمالك

    رد: شوفوا ازاى هتكون البنت الصغيره فى 2025

    مُساهمة من طرف زملكاوى صح في الثلاثاء مارس 02, 2010 11:34 am

    مشكوره بس انا شوفته قبل كده
    avatar
    Memoo
    صحباوى كبير
    صحباوى كبير



    عدد المساهمات : 1056
    تاريخ التسجيل : 02/02/2010
    العمر : 20

    رد: شوفوا ازاى هتكون البنت الصغيره فى 2025

    مُساهمة من طرف Memoo في الثلاثاء مارس 02, 2010 4:21 pm

    جامد اخر حاجه بجد ياروكا
    والله الاب والجده دول ناس روشه طحن...... حسبي الله ونعم الوكيل ههههههه
    تسلمي يا روكا .... يا قمرايه
    ده احنا هنشوف ايام مايعلم بيها الا ربنا .
    avatar
    7amoo
    المراقب العام
    المراقب العام

    عدد المساهمات : 181
    تاريخ التسجيل : 10/02/2010
    العمر : 23
    المزاج : مهيس

    رد: شوفوا ازاى هتكون البنت الصغيره فى 2025

    مُساهمة من طرف 7amoo في الثلاثاء مارس 02, 2010 9:10 pm

    هههههههههههههههههههه
    هههههههههههههههه
    هههههههه
    ههههه
    هههه
    ههه
    هه
    تعبت من كتر الصحك
    شكرا على التوبيك الرائع دا

      مواضيع مماثلة

      -

      الوقت/التاريخ الآن هو السبت يونيو 24, 2017 10:54 am