قالولي بتحب مصر قلت مش عارف Gwgt0-11


انضم إلى المنتدى ، فالأمر سريع وسهل

قالولي بتحب مصر قلت مش عارف Gwgt0-11

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

صـــحــبــ الشباب المصرى والعربى ــــــة مـــــــ احنا ملوك المنتديات ـــــــصـــــر

يرجى تسجيل ايميل المنتدى للاستعلامات So7bamsr@yahoo.com

مطلوب مشرفين على جميع الاقسام رشح نفسك دلوقتى على القسم الذى تريده


5 مشترك

    قالولي بتحب مصر قلت مش عارف

    mekoo
    mekoo
    مشرفة منتدى اللغات الاجنبية
    مشرفة منتدى اللغات الاجنبية


    قالولي بتحب مصر قلت مش عارف 331p



    عدد المساهمات : 456
    تاريخ التسجيل : 27/02/2010
    العمر : 36
    المزاج : مانجاوي ومحدش ليه دعوه بالمانجا

    قالولي بتحب مصر قلت مش عارف Empty قالولي بتحب مصر قلت مش عارف

    مُساهمة من طرف mekoo الإثنين يونيو 14, 2010 8:34 pm

    نصيحة يا ريت تسمعوها لها
    سحر تاني




    قالولي بتحب مصر فقلت مش عارف
    المعنى كعبة وانا بوَفْد الحروف طايف
    وألف مغزل قصايد في الإدين لافف
    قالولي بتحب مصر فقلت مش عارف
    أنا لما اشوف مصر ع الصفحة بكون خايف

    ما يجيش في بالي هرم ما يجيش في بالي نيل
    ما يجيش في بالي غيطان خضرا وشمس أصيل
    ولا جزوع فلاحين لو يعدلوها تميل
    حكم الليالي ياخدهم في الحصاد محاصيل
    ويلبّسوهم فراعنة ساعة التمثيل
    وساعة الجد فيه سخرة وإسماعيل
    ما يجيش في بالي عرابي ونظرته في الخيل
    وسعد باشا وفريد وبقيّة التماثيل
    ولا ام كلثوم في خِمسانها ولا المنديل
    الصبح في التاكسي صوتها مبوظُّه التسجيل
    ما يجيش في بالي العبور وسفارة اسرائيل
    ولا الحضارة اللي واجعة دماغنا جيل ورا جيل
    قالولي بتحب مصر أخدني صمت طويل
    وجت في بالي ابتسامة وانتهت بعويل

    قالولي بتحب مصر فقلت مش عارف
    لكني عارف بإني إبن رضوى عاشور
    أمي اللي حَمْلَها ما ينحسب بشهور
    الحب في قلبها والحرب خيط مضفور
    تصبر على الشمس تبرد والنجوم تدفى
    ولو تسابق زمنها تسبقه ويحفى
    تكتب في كار الأمومة م الكتب ألفين
    طفلة تحمّي الغزالة وتطعم العصفور
    وتذنِّب الدهر لو يغلط بنظرة عين
    وبنظرة أو طبطبة ترضى عليه فيدور

    وأمي حافظة شوارع مصر بالسنتي
    تقول لمصر يا حاجّة ترّد يا بنتي
    تقولها احكي لي فتقول ابدأي إنتي

    وأمي حافظة السِيَر أصل السِيَر كارها
    تكتب بحبر الليالي تقوم تنوَّرْها
    وتقول يا حاجة إذا ما فرحتي وحزنتي
    وفين ما كنتي أسجل ما أرى للناس
    تفضل رسايل غرام للي يقدّرها

    أمي وأبويا التقوا والحر للحرة
    شاعر من الضفة برغوثي وإسمه مريد
    قالولها ده أجنبي، ما يجوزش بالمرة
    قالت لهم ياالعبيد اللي ملوكها عبيد
    من إمتى كانت رام الله من بلاد برة
    يا ناس يا أهل البلد شارياه وشاريني
    من يعترض ع المحبة لما ربّي يريد

    كان الجواب ان واحد سافر اسرائيل
    وانا أبويا قالوله يللا ع الترحيل

    دلوقت جه دوري لاجل بلادي تنفيني
    وتشيِّب أمي في عشرينها وعشريني
    يا أهل مصر قولولي بس كام مرة
    ها تعاقِبوها على حُبَّ الفلسطيني

    قالولي بتحب مصر فقلت مش عارف

    بحب أقعد علىالقهوة بدون أشغال
    شيشة وزبادي ومناقشة في مآل الحال
    وبصبصة ع البنات اللي قوامهم عال
    لكن وشوشهم عماير هدها الزلزال
    بحب لمعي وحلابِسَّة ومُحِّب جمال
    أروح لهم عربية خابطة في تروللي
    كإنها ورقِة مِسودّة مرميّة
    جوّاها متشخبطة ومتكرمشة هيّه
    أو شلّة الصوف، أو عقدة حسابيّه
    سبعين مهندس ولا يقدر على حلي
    فيجيبوا كل مفكّاتهم وصواميلهم
    ويجرّبوا كل ألاعيبهم وتحاييلهم
    ساعات كمان يغلطوا ويجربوا فيّه
    بس الأكيد أنهم بيحاولوا في مشاكلي
    وإنها دايماً أهون من مشاكلهم

    أحب اقعد على القهوة مع القاعدين
    وابص في وشوش بشر مش مخلوقين من طين
    واحد كإنه تحتمس، يشرب القرفة
    والتاني غلبان يلف اللقمة في الجرانين
    والتالتة من بلكونتها تنادي الواد
    والواد بيلعب وغالبهم ثلاثة اتنين
    أتوبيس كإنه كوساية محشي بني آدمين
    أقول بحكم القاموس، إن الهواء جماد
    واشم ريحة شياط بس اللي شايفه رماد
    عكازة الشيخ منين نابت عليها زناد
    يسند على الناس ويعرج من شمال ليمين
    والراديو جايب خبر م القدس أو بغداد

    قالولي بتحب مصر فقلت مش عارف

    قطر الندى قاعدة بتبيع فجل بالحزمة
    أميرة عازز عليها تشحت اللقمة
    عريانة ما سترها الا الضل والضلمة
    والشعر الابيض يزيد حرمة على حرمة
    والقلب قايد مداين زي فرشة نور
    والفرشة واكلاها عتة والمداين بور
    اللي يشوفها يقول صادقة حكاوي الجن
    واللي يشوفها يقول كل الحقايق زور

    عزيزة القوم عزيزة تشتغل في بيوت
    عشر سنين عمرها لكن حلال ع الموت
    صبية تمشي تقع ويقولو حكم السن
    وسِتّها شعرها أصفر وكلّه بُكَل
    كإنها مربية فيه اربعين كتكوت
    ووشها زي وش الحاكم العربي
    كإن خالقها راسمها على نبوت
    تحكم وقطر الندى تسمع لها وتئن
    أصل البعيدة وليّة أمرها، عجبي
    على الهوا بحجة الكسوة يقيموا له سور

    أحكي يا قطر الندى والا ما لوش لازمة
    حكاية ابن الأصول تفضل معاه لازمة
    فيه ناس بتلدغ وناس ليها البكا لازمة
    ياللي سطلت الخليفة بجوز عينين وشعور
    كنت سما للأغاني والأغاني طيور
    مين اللي باعك، عدوك، بعض أولادك
    مين اللي كانوا عبيدك صاروا أسيادك
    مين اللي سمى السلاسل في إديك دِبَل
    مين اللي خط الكتاب مين كانوا أشهادك
    وازّاي متى سألوكي "هل قبلتِ به"
    سكتِّ ومشيتِ يا مولاتي في الزفة
    لبنان وغزة وعراق فينا العدو تشفى
    حطوا جثثنا يا حاجة تحت سجادك
    ووقفت تستنى خيط الدم يبقى بحور

    قالولي بتحب مصر فقلت مش عارف
    لا جيتها سايح ولاني أعمي مش شايف
    بلد علمها انمزع والرفّا في المساجين
    ومهر مربوط في كارو وباله في البساتين
    وابو زيد سلامة على كرسي وكيس جلوكوز
    لجنة مشايخ تناقش فتوة الأراجوز
    سؤال نعيش أو نموت، فيه لا يجوز ويجوز

    لو السقوف خايخة نسندها بحجارة وطوب
    لكن ده لوح القزاز كله ضرب تشريخ
    لو الولد حرف في الآية، ها يبقى يتوب
    بس المصيبة إذا الآية اخترعها الشيخ

    يا مصر كومة حروف إبر المعاني فين
    إبر بتجرح إيدينا قبل ما بتبان
    نسرك في بال السما بيقول حدودها منين
    نسرك بياكله الصدا في بدلة السجان

    يا قلعة السجن يا قلعة صلاح الدين
    أنا بقولك وأهلي ع الكلام شاهدين
    لو كنت حرة ما كناش نبقى محتلين

    والناس شكاير صريخ رابطين عليها سكوت
    آهات سَكوتَة كإن الأرض مستشفى
    مطرودة منها الدكاترة ف سجن أو منفى
    والناس بتسأل هنصبر والا نتوفى
    فيه ناس تقول زي بعضه دول نوعين م الصبر
    وناس تقول زي بعضه دول نوعين م الموت
    يا مصر بعض التسامح يبقى عار وبأجر
    إفتكري "لا تحسبّن" مكتوبة فوق كام قبر
    والتار يبات يصحى تاني لو يشيب الدهر
    والتار حصان غير لصاحبه ما يلين ضهر
    والتار تار العرب وعشان كده تار مصر

    قالولي بتحب مصر فقلت مش عارف
    لا جيتها سايح ولاني أعمى مش شايف
    ولاني هايف اردّ بخفّة وبسرعة
    وكل من رد يا كذاب يا هايف

    أصل المحبة بسيطة ومصر تركيبة
    ومصر حلوة ومُرَّة وشِرْحة وكئيبة
    دا نا اختصر منصب الشمس وأقول شمعة
    ولا اختصر مصر وانده مصر يا حبيبة

    يا أهل مصر اسمعوني واسمعو الباقيين
    إن كنت انا رحّلوني كلنا راحلين
    يا أهل مصر يا أصحابي يا نور العين
    يا شنطة المدرسة يا دفتر العناوين
    يا ضغطة البنت بلكراسة ع النهدين
    ترقص قصاد المراية، واحنا مش شايفين
    يا صحن سلطان حسن يا صحن كحك وتين
    يا ألف مدنا وجرس، لألف ملّة ودين
    يا أهل مصر اسمعوني، والكلام أمانات
    قلتولي بتحب مصر فقلت مش عارف
    روحوا اسألوا مصر هيّه عندها الإجابات


    yoyo
    yoyo
    صحباوى شغال
    صحباوى شغال


    عدد المساهمات : 103
    تاريخ التسجيل : 27/02/2010
    العمر : 31
    المزاج : كنافه

    قالولي بتحب مصر قلت مش عارف Empty رد: قالولي بتحب مصر قلت مش عارف

    مُساهمة من طرف yoyo الأربعاء يونيو 16, 2010 10:29 pm

    تسلم ايدك ياميكوووووووووووووو
    توبيك جااااااااااااامد

    elaidy
    elaidy
    صحباوى شغال
    صحباوى شغال


    عدد المساهمات : 108
    تاريخ التسجيل : 04/06/2010
    العمر : 104
    المزاج : هههههههههههههههههههههههههههههه

    قالولي بتحب مصر قلت مش عارف Empty رد: قالولي بتحب مصر قلت مش عارف

    مُساهمة من طرف elaidy الخميس يونيو 17, 2010 1:42 am

    ههههههههههههههههههههههه
    تسلم اديكى يا ميكو ميكو
    Memoo
    Memoo
    صحباوى كبير
    صحباوى كبير


    قالولي بتحب مصر قلت مش عارف Ouoouo13

    عدد المساهمات : 1056
    تاريخ التسجيل : 02/02/2010
    العمر : 27

    قالولي بتحب مصر قلت مش عارف Empty رد: قالولي بتحب مصر قلت مش عارف

    مُساهمة من طرف Memoo الخميس يونيو 17, 2010 1:30 pm

    تسلمي ياميكو ياقمررررررر
    بجد توبيك جااااااااااااااااامد
    تسلم ايدك مره تانيه .. تقبلي مروري
    AReeG
    AReeG
    مشرفة المنتدى الاسلامى العام


    قالولي بتحب مصر قلت مش عارف Ouuoou11

    عدد المساهمات : 157
    تاريخ التسجيل : 22/03/2010

    قالولي بتحب مصر قلت مش عارف Empty رد: قالولي بتحب مصر قلت مش عارف

    مُساهمة من طرف AReeG الخميس يونيو 17, 2010 1:41 pm

    الله جميل اوى مع انى حسيت انه بيلوم مصر اوى بس صراحه عنده حق
    بس اللى عجبنى مع انه فلسطينى الا انه عارف مصر جدااا وشوارعها وكل حاجه فيها
    تسلم ايدك يا ميكو على الموضوع والشعر الجميل يا قمر
    تقبلى مرورى
    mekoo
    mekoo
    مشرفة منتدى اللغات الاجنبية
    مشرفة منتدى اللغات الاجنبية


    قالولي بتحب مصر قلت مش عارف 331p



    عدد المساهمات : 456
    تاريخ التسجيل : 27/02/2010
    العمر : 36
    المزاج : مانجاوي ومحدش ليه دعوه بالمانجا

    قالولي بتحب مصر قلت مش عارف Empty رد: قالولي بتحب مصر قلت مش عارف

    مُساهمة من طرف mekoo الخميس يونيو 17, 2010 7:56 pm

    يويو قالولي بتحب مصر قلت مش عارف Icon_bounce العايدي قالولي بتحب مصر قلت مش عارف Icon_bounce ميمو قالولي بتحب مصر قلت مش عارف Icon_bounce اريج

    بجد نورتوني واسعدني مروركم جداااااااا


      الوقت/التاريخ الآن هو الثلاثاء مارس 19, 2024 4:01 am