صـــحــبــ الشباب المصرى والعربى ــــــة مـــــــ احنا ملوك المنتديات ـــــــصـــــر

يرجى تسجيل ايميل المنتدى للاستعلامات So7bamsr@yahoo.com

مطلوب مشرفين على جميع الاقسام رشح نفسك دلوقتى على القسم الذى تريده


    واحد وخطيبتة ع الكورنيش موقف رومانسى

    شاطر

    neroon
    صحباوى شغال
    صحباوى شغال

    عدد المساهمات : 103
    تاريخ التسجيل : 26/03/2010
    العمر : 29

    واحد وخطيبتة ع الكورنيش موقف رومانسى

    مُساهمة من طرف neroon في الثلاثاء أبريل 06, 2010 2:36 am

    هووهى مشيين على
    الكورنيش .. الجو حار .. الشمس محرقة


    هي : عطشانة .

    هو : وأنا كمان .

    هي : يعنى ... عايزة اشرب!

    هو : أكيد مادام عطشانة يبقى عايزة تشربي .

    هي : المفروض – بما أن عندك إحساس يعنى – إني لما أقولك
    عطشانة تجيب ليا حاجة ساقعة .


    هو : ومين اللي هيحاسب ؟؟

    هي : أنت طبعاً .

    هو : منين ياحسرة .. ماانتى عارفة الكانز وغطاه .

    هي : ماقلتش عايزة كانز .. كفاية إزازة صاروخ .

    هو : طب لو هاتجيبى اعزمينى معاكى .

    هي : يابنى أنت مابتحسش ، وبعدين بقالنا 3 ساعات ماشيين ،
    أنت مش ناوي تقعدنا ولا إيه؟


    هو : عندك الكورنيش كله .. اختاري الرصيف اللي يعجبك .

    هي : قصدي تعزمنى في مكان شاعري .

    هو : في الحر ده .. ماينفعش .

    هي : بلاش دى .. نأخد مركب عالكورنيش .

    هو : المراكب بتغرق اليومين دول .. خلينا ع البر أحسن .

    هي : بلاش المركب تعالى نأكل ترمس .. أظن ده رخيص .

    هو : إنتى تضمني منين إن الراجل غاسل إيده وغاسل الترمس

    هي : أعوذ بالله .. إنت مقفلها كده ليه ؟؟

    هو : بصراحة معييش فلوس .

    هي :يا سلام!! .. ماأنت كان معاك إمبارح .

    هو : إمبارح دخلت السينما مع بنت حلوة كده فالفلوس خلصت

    هي : بنت حلوه ؟؟!! وبتقولها في وشى .

    هو : أكذب عليكى يعنى .

    هي : لأ .. تحرق دمى أحسن .

    هو : أنا مش شامم ريحه شياط يعني .

    هي : يخرب بيت البرود .

    هو : برود إيه ؟؟ ماهو الجو مولع أهو .

    هي : إنت اللي بارد .

    هو : بارد إزاى ؟؟ دا أنا بشُر عرق .

    هي : بقولك إيه .. روحنى .

    هو : أروحك ؟! هو إنتى ماتعرفيش تروحي لوحدك .

    هي : آآآآه .. طب أنا ماشية .

    هو : ليه يا حبيبتي؟؟

    هي : حبك برص .

    هو : والله البرص بيفهم عشان حبني.

    هي : بجد كده كتير .

    هو : كتير إيه ؟؟

    هي : إرحمنى .. واضح إن الحر بيجى معاك بالعكس .. يا
    بارد


    هو : يعنى مصممة تمشى ؟؟

    هي : أيوة وحالاً كمان .

    هو : طب استني لما نوصل آخر الشارع .

    هي : اشمعنى ؟؟

    هو : أصل أنا ساكن هناك .. و مايرضكيش أروح لوحدى .

    هي : لااااااااااااااااااااااا

    هو : ينفع كده ترمي نفسك في الميه مين هايوصلني بقى


    ههههههههههههههههههههههههه

    your best friend neroon

    Roaa
    المراقب العام
    المراقب العام

    عدد المساهمات : 743
    تاريخ التسجيل : 09/02/2010
    العمر : 21

    رد: واحد وخطيبتة ع الكورنيش موقف رومانسى

    مُساهمة من طرف Roaa في الثلاثاء أبريل 06, 2010 8:55 pm

    ههههههههههه يخربيت البرووود
    تسلم يا نيرون توبيك جااامد

    Cute NorhaN
    Admin
    Admin

    عدد المساهمات : 522
    تاريخ التسجيل : 21/01/2010
    العمر : 18

    رد: واحد وخطيبتة ع الكورنيش موقف رومانسى

    مُساهمة من طرف Cute NorhaN في الأربعاء أبريل 07, 2010 2:02 am

    ههههههههه ياعينى والله لها حق تنتحر
    لو ماكانتش انتحرت كانت هتكون هى اللى بارده
    ميرسي يا نيرون توبيك روعه

      الوقت/التاريخ الآن هو الأربعاء يناير 18, 2017 6:25 pm