صـــحــبــ الشباب المصرى والعربى ــــــة مـــــــ احنا ملوك المنتديات ـــــــصـــــر

يرجى تسجيل ايميل المنتدى للاستعلامات So7bamsr@yahoo.com

مطلوب مشرفين على جميع الاقسام رشح نفسك دلوقتى على القسم الذى تريده


    واحد بيحب واحده شوفو معايا حكايته, جامد اوى

    شاطر

    ŠŷŝŤěм ÅŋĝęŁ
    Admin
    Admin

    عدد المساهمات : 1047
    تاريخ التسجيل : 20/01/2010
    العمر : 23
    المزاج : مفيش مفيش

    واحد بيحب واحده شوفو معايا حكايته, جامد اوى

    مُساهمة من طرف ŠŷŝŤěм ÅŋĝęŁ في الثلاثاء أبريل 06, 2010 9:53 am



    ـ تتجوزيني ؟
    ـ لا !
    ـ ليه ؟
    ـ بصراحة كدة شكلك مش عاجبني ..
    ـ إزاي يعني ؟
    ـ يعني .. أصل أنا ليا مواصفات معينة لفارس أحلامي .
    ـ مواصفات معينة ؟ .. هو انتي هتتجوزي عربية ؟
    ـ لا ! .. بصراحة كدة .. إنت مش فارس أحلامي اللي باتمناه !


    ==========================


    ـ تتجوزيني ؟
    ـ إيه ده ؟ شكلك اتغير !
    ـ إيه رأيك ؟
    ـ واو .. شعرك بقة ناعم ! .. دي باروكة ؟
    ـ أيوة !
    ـ ودي عدسات خضراء ؟
    ـ أيوة !
    ـ واو ! .. بس بجد .. بقيت وسيم ! .. واو ! ده انت بقيت شبه نيكولاس كيج !
    ـ مين عباس كيج ده ؟
    ـ عباس ؟!! ياي ! .. إيه عباس دي ؟ اسمه نيكولاس ..
    ـ مين نيكولاس ده ؟
    ـ بقة مالكشي في السيما وجاي تكلمني ؟ .. ياي !


    ============================


    ـ تتجوزيني ؟
    ـ انت لسة ليك عين تكلمني ؟
    ـ أيوة .. أنا عرفت مين بنكرياس كيج ده !
    ـ أولاً : اسمه نيكولاس كيج ..
    ـ أيوة أيوة .. كنت هاقول اسمه صح .. بس اختصرته .. ده ممثل !
    ـ ممثل إيه ؟
    ـ ممثل أمريكاوي !
    ـ أمريكاوي ؟! .. إخّييي ! .. اسمه أميريكان يا بابا ! .. ما تبقاش دونكي !
    ـ دونكي دي تبقى شتيمة ؟
    ـ أف كورس !


    ==========================




    ـ تتجوزيني ؟
    ـ عندك عربية موديل كام ؟
    ـ موديل دي تبقى شتيمة ؟


    =========================


    ـ تتجوزيني ؟
    ـ قوللي الأول .. حاطط أنهي نغمة في الموبايل بتاعك ؟
    ـ نغمة دي تبقى شتيمة ؟


    =============================





    ـ تتجوزيني ؟
    ـ ما قلتليش .. إنت بتشتغل إيه ؟
    ـ أنا -بلا فخر- عاطل !
    ـ عاطل ؟ .. ياي ! ..
    ـ مش أحسن من اللي ما بيشتغلش ؟
    ـ لا !
    ـ يعني مش هتتجوزيني ؟
    ـ لا !
    ـ كدة أنا أزعل !
    ـ ما تزعلش يا بابا ! .. خليك فريش !
    ـ ماشي .. ماشي .. بس قوليلي ..
    ـ إيه ؟
    ـ فريش دي تبقى شتيمة ؟


    =========================



    ـ تتجوزيني ؟
    ـ لقيت شغل ؟
    ـ أيوة طبعًا .. سنتين وأنا بادور .. أخيرًا لقيت ..
    ـ وإيه هو ؟
    ـ سواق تاكسي .
    ـ ياي ! .. مش مكسوف وانت بتقولها ؟
    ـ فيها إيه ؟ العمل شرف .. وكلها كام سنة وأجمع مبلغ كويس ..
    ـ شرف ؟ جتك القرف !




    ==============================




    ـ تتجوزيني ؟
    ـ جمعت مبلغ كويس ؟
    ـ طبعًا .. مبلغ كبير جدًا ..
    ـ قد إيه يعني ؟
    ـ ألف جنيه !
    ـ نعم ؟!!! .. ألف جنيه دول تروح تسرح بيهم ببطاطا ..
    ـ يعني موافقة ؟!
    ـ روح اتنيل .



    ========================



    ـ تتجوزيني ؟
    ـ عندك شقة ؟
    ـ طبعًا ! .. أودة على السطوح ..
    ـ نعم ؟!! ..
    ـ إيه المشكلة ؟! .. أحسن ما ننام في الشارع !
    ـ في الشارع ؟! .. إيه الألفاظ السوقية دي ؟! ياي ! .. لازم يا بابا تجيب شقة .
    ـ طيب .. كلها كام سنة وأجيبلك أحسن شقة في الدنيا .
    ـ وهتجيبها في جاردن سيتي ولا في الزمالك ؟
    ـ لا .. في الأهلي .. هيهع هيهع هيهع !



    =========================



    ( بعد سنوات) :




    ـ تتجوزيني ؟
    ـ جبت الشقة ؟
    ـ أيوة ! .. الحكومة بتبني شقق للشباب وأنا خدت شقة .. صحيح إنها اتأخرت لسبع سنوات .. لكن المهم إنها جات .. !
    ـ ـ فانتاستيك !
    ـ بس الشقة ناقصة حاجة .
    ـ إيه هي ؟
    ـ مفيهاش حمام !
    ـ امشي من قدامي ! .. مش طايقاك !



    ========================



    مره تابيه راحلها وقال





    ـ تتجوزيني ؟
    ـ إنت تاني ؟
    ـ جبتلك حمّام إنما إيه !
    ـ خليه ينفعك !
    ـ ليه بس ؟ .. ده ينفع لينا احنا الاتنين !
    ـ وأنا مالي ؟
    ـ مش عاجبك .. مش مشكلة .. أكتبه باسمك !



    ============================


    (بعد سنين) ..
    ـ هتتجوزيني ولا أولع فيكي ؟
    ـ ومالك محروق كدة ؟
    ـ حكايتنا طولت قوي .. طولت أكتر من اللازم !
    ـ أوكي .. بس ممكن أعرف حاجة ؟
    ـ إيه ؟
    ـ إنت ليه متمسك بيا أوي كدة ؟
    ـ أصل .. أصل ..
    ـ أصل إيه ؟
    ـ أصل أنا بحُبك (بضم الحاء) !
    ـ بحُبك ؟!! .. إيه بحُبك دي ؟! .. إسمها بحِبك (بكسر الحاء) ! .. بعدين خليك روش وقول
    I love you !
    ـ ماشي .. بس قوليلي ..
    ـ نعم ؟
    ـ روش دي تبقى شتيمة ؟


    ====================================


    ـ تتجوزيني ؟
    ـ بصراحة .. في حاجة كنت عاوزة أقولهالك من زمااااااان .
    ـ إيه ؟
    ـ أنا بصراحة .. مش شايفة إن في حد في العالم يستاهلني !
    ـ يا سلام ! .. ليه ؟
    ـ عشان أنا جميلة .. خفيفة الدم .. رشيقة .. رقيقة ..
    ـ رقيقة ؟! .. ده انت بدأتي تقشفي !
    ـ فشر !
    ـ فوقي لنفسك .. العمر بيجري ..
    ـ أنا مصرة على رأيي !
    ـ يعني إيه ؟
    ـ يعني اقطع معايا !
    ـ بعد كل السنين دي ؟! .. بعد كل الحب ده ؟!!
    ـ بلاش تراجيديا من فضلك !
    ـ ماشي .. بس قبل ما أمشي عاوز أسألك سؤال واحد بس ..
    ـ إيه هو ؟
    ـ تراجيديا دي تبقى شتيمة ؟


    ===========================


    ( بعد سنين) ..
    ـ تتجوشيني ؟
    ـ إيه ؟
    ـ تتجوشييينييييييي ؟
    ـ إنت مين ؟
    ـ أنا حبيبك يا هبلة .. البشي النضارة عشان تشوفيني !
    ـ طيب شاعدني عشان ألاقي النضارة !
    ـ آهي على الترابيزة قدامك !
    ـ فين ؟!!
    ـ لا دي نظارتي أنا !
    ـ أيوة لقيتها ..
    ـ البشيها بقة !
    ـ ططييبب !
    ـ عينيكي فوق شوية .. ده بقك ..
    ـ طيب لبشهالي إنت !
    ـ عقبال ما البشك الدبلة !
    ـ ما تكشفنيش ! .. كنت بتقول إيه بقى ؟
    ـ كنت بقول تتجوشششيييينيييييي ؟
    ـ أكوشك ؟ .. إزاي ؟
    ـ يا ولية مش تكوشيني .. تـ .. تـ .. جـ .. و.. شـ .. يـ .. نـ .. ي ؟
    ـ دي شتيمة ؟
    ـ لاااااء .. بقولك تتجوشيني ؟!!
    ـ آه !! .. أجوشك !
    ـ بالضااااابط ! .. هاه ؟
    ـ شيبني أفكر !
    ـ أشيبك تفكري ؟! .. ده انت هتموتي خلاش !
    ـ لا .. شيبني أفكر بش !
    ـ ربنا يوفقك !
    ـ إيه ؟
    ـ ربنا ييوفقك !
    ـ بتقول إيه ؟
    ـ ربنا ياخدك !


    ===========================


    (على فراش الموت) :
    ـ تـ … كوح .. كوح .. تتـ .. كوح كاح كيح .. تتكو .. كوح .. كوح .. تتكوشـ .. كوح كوح .. يني ؟!!
    ـ مش شامعة !
    ـ بـ .. قوللـ .. كوح .. كوح .. بقولك .. تـ .. تـ .. كوح .. كوح .. تتجوشيـ .. ؟ كوح .. كوح …….
    ـ أجوش مين ؟!!!
    ـ هـ .. و.. ه .. كووح كوح كاح .. هوه إنتي .. كوح كوح .. معرفتيـ .. ش .. كوح كوح كيح .. ميـ .. كوح .. مين ؟!!
    ـ إيه ؟ ..
    ـ لا .. كوح .. أبدًا .. كوح .. كنت … كح كح .. بأكح !!
    ـ كنت بتكح ؟!!!! .. شلامتك !! .. ما قلتليش ليه ؟!
    ـ هو .. كوح .. إنتي .. لشة .. عارفـ .. ـة .. كوح كوح !
    ـ بتقول إيه ؟!!
    ـ يا .. ولية .. كوح كوح .. ردي .. كوح كوح .. عليا .. !! .. تـ .. تـ .. جو.. شيـ .. كوح كوح كوح كوح .. نـي ؟!!
    ـ أجوشك ؟!! .. طب بش خد الدوا الأول !
    ـ يا وليـ .. ـة .. كوح .. كوح .. أنا .. كوح .. كوح .. هتتجوشيـ .. كوح كوح كوح .. ـني ؟!!
    ـ أيوة يا حاج .. موافقة !! .. موافقة إنك تتكوشني ..
    ـ أخيـ….كوح كوح ..راااااً !! .. كوح كوح !! .. كدة أموت .. كوح .. كوح .. وأنا .. كوح .. مطمئن ومرتاح !! .. الودااا .. كوح ..ع ع ع ع !
    ـ يا حاج .. يا حاج .. لااااااااااااااااااااااااااااا


    !!
    ومات الشاب








    the queen love
    المراقب العام
    المراقب العام

    عدد المساهمات : 824
    تاريخ التسجيل : 12/02/2010
    العمر : 21

    رد: واحد بيحب واحده شوفو معايا حكايته, جامد اوى

    مُساهمة من طرف the queen love في الأربعاء أبريل 14, 2010 8:24 pm

    هههههههههههههههه

    فظيعه يسلموووووووو








    Memoo
    صحباوى كبير
    صحباوى كبير



    عدد المساهمات : 1056
    تاريخ التسجيل : 02/02/2010
    العمر : 19

    رد: واحد بيحب واحده شوفو معايا حكايته, جامد اوى

    مُساهمة من طرف Memoo في الخميس أبريل 15, 2010 3:09 pm

    ههههههههههههههههههههههههه
    ههههههههههههه
    تسلم ايدك يا جامد ع التوبك الجامد
    مقدرش اقولك غير
    هشتكنا وبشتكنا ياريس ده انت رئيس والنعمه كويس
    ههههههههههههههههههههههههه

    Cute NorhaN
    Admin
    Admin

    عدد المساهمات : 522
    تاريخ التسجيل : 21/01/2010
    العمر : 18

    رد: واحد بيحب واحده شوفو معايا حكايته, جامد اوى

    مُساهمة من طرف Cute NorhaN في الخميس أبريل 15, 2010 4:06 pm

    هههههههههه جامد والله
    تشلم يا احمد هههههههه

    mekoo
    مشرفة منتدى اللغات الاجنبية
    مشرفة منتدى اللغات الاجنبية





    عدد المساهمات : 456
    تاريخ التسجيل : 27/02/2010
    العمر : 28
    المزاج : مانجاوي ومحدش ليه دعوه بالمانجا

    رد: واحد بيحب واحده شوفو معايا حكايته, جامد اوى

    مُساهمة من طرف mekoo في الخميس أبريل 15, 2010 7:13 pm

    يا عم احنا غبرنا اسهل من كده
    بس قولي عبرنا دي شتيمه؟؟؟؟؟؟؟؟؟
    ههههههههههههههههههههه
    تسلم يا كبير







    كم هو حزين أن تضحك في وجه العالم...وفي داخلك ضجيج العالم....تحاول جاهدا ان تحبس دمعه ألم ...وتحاول اكثر وأكثر... أن تجد من يفهمك....ولكن...يبقى الحال كما هو...والانتظار لا يزال باقيا

    raama sober
    مشرفه منتدى ملتقى ادم وحواء
    مشرفه منتدى ملتقى ادم وحواء

    عدد المساهمات : 330
    تاريخ التسجيل : 11/02/2010

    رد: واحد بيحب واحده شوفو معايا حكايته, جامد اوى

    مُساهمة من طرف raama sober في الجمعة أبريل 16, 2010 11:16 am


    ههههههههههههههه
    له له فات القطار

    ليت الشباب يعود يوما







    اذا لم تستطع ان تنظر امامك....... لان مستقبلك مظلم --واذا لم تستطع ان تنظر خلفك........ لان ماضيك مؤلمايتسم فان هنا ك من..... يحبك ........يعتني بك ..........يحميك .......ينصرك .........يسمعك........ يراك .........انه
    الله
    --فانظر الى الأعلى تجد ......ربك تجاهك

    ماأخذ منك الا .....ليعطيك وماابكاك الا..... ليضحكك وماابتلاك الا..... ليتفضل عليك وما حرمك الا....... لانه...........يحبك

    Roaa
    المراقب العام
    المراقب العام

    عدد المساهمات : 743
    تاريخ التسجيل : 09/02/2010
    العمر : 20

    رد: واحد بيحب واحده شوفو معايا حكايته, جامد اوى

    مُساهمة من طرف Roaa في الجمعة أبريل 16, 2010 5:32 pm

    ههههههههههه توبيك جاااامد تسلم يا احمد

      الوقت/التاريخ الآن هو الثلاثاء ديسمبر 06, 2016 7:56 pm