مع إن كل الناس
من أصل طين
و كلهم بينزلوا مغمضين
بعد الدقايق و الشهور و السنين
تلاقى ناس أشرار و ناس طيبين
و
عجبى !!!
انشد يا قلبي غنوتك
للجمال
وأرقص في صدري من اليمين للشمال
ماهوش بعيد تفضل لبكرة سعيد
ده كل يوم فيه الف الف احتمال
وعجبي!!!
الدنيا اوضه كبيرة للإنتظار
فيها ابن أدم زيه زي الحمار
الهم واحد .......والملل مشترك
ومفيش حمار بيحاول الانتحار
وعجبي!!!
أنا شاب لكن عمري ولا ألف عام ...
وحيد ولكن بين ضلوعي زحام ...
خايف ولكن خوفي مني انا .....
أخرس لكن قلبي مليان كلام ....
وعجبي
!!!
قالو الشقيق
بيمص دم الشقيق
والناس ماهياش ناس بحق وحقيق
قلبي رميته وجبت غيره حجر
داب الحجر .... ورجعت قلبي رقيق
وعجبي!!!
سمعت نقطة ميه جوه المحيط
بتقول لنقطة ما تنزليش في الغويط
اخاف عليكي م الغرق ....قلت انا
ده اللي يخاف م الوعد يبقي عبيط
وعجبي!!!
[b]
نظرت فى الملكوت
كتير و إنشغلت
و بكل كلمة (ليه؟) و (عشانية؟) سألت
اسأل سؤال --- الرد يرجع سؤال
و أخرج و حيرتى أشد مما دخلت
كتير و إنشغلت
و بكل كلمة (ليه؟) و (عشانية؟) سألت
اسأل سؤال --- الرد يرجع سؤال
و أخرج و حيرتى أشد مما دخلت
و عجبى !!!
[/size]