صـــحــبــ الشباب المصرى والعربى ــــــة مـــــــ احنا ملوك المنتديات ـــــــصـــــر

يرجى تسجيل ايميل المنتدى للاستعلامات So7bamsr@yahoo.com

مطلوب مشرفين على جميع الاقسام رشح نفسك دلوقتى على القسم الذى تريده


    امتحان كوميدى ساخر

    شاطر

    neroon
    صحباوى شغال
    صحباوى شغال

    عدد المساهمات : 103
    تاريخ التسجيل : 26/03/2010
    العمر : 28

    امتحان كوميدى ساخر

    مُساهمة من طرف neroon في السبت مايو 22, 2010 11:31 pm


















    امتحان كوميدى ساخر جدا









    صحصح معايا يبنى انت وهي وبطلوا الهباب اللى بتطفحوه على الصبح ده

    السؤال الأول: التعبير
    اكتب ما لا يقل عن 6500 سطر فى أحد الموضوعات التالية
    لم يجد الطفل غير الشارع ملجأ نظرا لحالة البلد الهباب.. فاتجه إلى السرقة والقتل والحشيش.. حتى نال جزاءه وقبض عليه متلبسا بباكتة بانجو.. اكتب قصته مع تسليم الحِرز للباشا مراقب اللجنة
    شهدت بلدنا الحبيبة نهضة في مجال التشييد والبناء وخصوصا بعد وصول سعر الحديد إلى 6500 جنيه للطن.. اكتب ما يمليه عليك ضميرك على أن يبدأ موضوعك بعبارة أنا باشتغل فى حديد عز
    بعد انتشار ظاهرة أكل لحم الكلاب والحمير.. من وجهة نظرك كحمار تكلم عن هذه الظاهرة ومن المتسبب فيها بدون غلط.. الورق متراقب
    ــــــــــــــــــــــــــــــــــــــــــــــ
    السؤال الثانى : القصة
    من قصة ‘ وعهد الله ما انت داخل الانتخابات’ .. اقرأ القطعة وأجب عن الآتى:
    )ثم أتى إليه وضربه بالجزمة وقال : انت عايز تترشح فى الانتخابات يامعفن ؟؟ دانت عايز معجزة.. مش كفاية بتاكلوا لحمة ومستورين.. عايزين إيه تانى؟(
    الأسئلة:
    1
    ما هى اللحمة؟ أو على الأقل حدد أقرب معنى خيالى لها
    2
    مرادف معجزة فى اللغة ( تغيير وزارى – زيادة المرتباترغيف العيش ) اختر يا مقلول البخت
    3
    لماذ ضربه الرجل بالجزمة وليس بالعصى مثلا؟؟
    (أهو كسل .. لسة هيرفع العصاية؟ - عشان العصاية قلة قيمة برضه واحنا فى عصر الديمقراطية – عشان العصاية شغالة بس مش فى الضرب.. افهم انت بقى) اختر
    4
    حلل بمزيد من التفصيل جملة ضربه بالجزمة ومدى توافقها مع جملة مصر بتتقدم بينا
    ــــــــــــــــــــــــــــــــــــــــــــــ
    السؤال الثالث القراءة
    من موضوع ( الزعيم .. والفنان .. والقدوة ) اقرأ القطعة وأجب
    (وقد نفى الزعيم عادل إمام الإشاعات التى أكدت أنه مرشح لوزارة الثقافة.. وأكد أنه فنان فقط وليس سياسيا الخبر حقيقى كما أنه يرحب بالتوريث ومقتنع بكل سياسات الحكومة)
    1-دخل كاتب هذه السطور مسرحية بودى جارد للزعيم رغم قرفه منه أساسا.. فى رأيك ما السبب فى دخوله؟
    (أكيد معزوم – طبيعى معزوم – وربنا معزوم ).. اختر على أن تضع إيدك على المصحف وانت بتحلف للمراقب بتاع اللجنة
    ــــــــــــــــــــــــــــــــــــــــــــــ
    السؤال الرابع النصوص
    أجب عن أحد النصين الآتيين
    من نص ( ماشربتش من نيلها).. اقرأ ثم أجب
    (ماشربتش من نيلها.. جربت تغنى لها.. جربت فى عز ماتحزن تمشى ف شوارعها وتشكى لها)
    1
    بعد رغبة صاحبة النص فى أن تلد ابنتها فى أمريكا لتحصل على الجنسية الأمريكية ..اختر ..ما المقصود بنيلها فى النص؟
    (المسيسبى - الأمازون – يونج يانج)
    2
    هذا النص من نصوص الحزب الوطنى والدليل وجود اسم مهم من قيادات الحزب فى النص .استخرج الاسم. .وبوسه من بُقـُّه ورجَّعُه مكانه
    3
    أكمل الأبيات إلى آخر كحكة فى الكليب
    4
    قوبل النص بانتقادات بسبب بعده عن الواقع. .وضح من النص مايتفق مع القول المأثور اطبخى ياجارية .. كلف ياسيدى
    ــــــــــــــــــــــــــــــــــــــــــــــ
    من نص (حين ميسرة).. أجب عن الآتى
    1
    اذكر اسم مصيبة واحدة محصلتش فى النص الأسود ده
    2
    وضح عبقرية أحمد بدير الإرهابى فى النص وهو يكتب رسالة على الكمبيوتر باستخدام أزرار الأرقام فقط ومفيش حروف.. ويعطى أمر التنفيذ بزرار قايمة ستارت مش بإنتر .كمبيوتر إرهابى بقى
    3
    فى نصى ( ويجا وخيانة مشروعة ) وضح خالد يوسف هستيريا الجنس فى الطبقات الغنية.. وفى نص حين ميسرة وضح خالد يوسف هستيريا الجنس فى الطبقات الفقيرة.. عشان خطرى..
    اذكر مع كامل البيانات أماكن هذه الهستيريا فى المعادى
    4
    سبب وجود الشرطة كل خمس دقائق فى النص
    (موسم ترقيات عقبال أملتك ولازم شغل – أخو خالد يوسف ظابط ولازم يخدم أخوه – عشان الشرطة بتراقب قسم البوليس اللى جنب أحداث النص) اختر
    ــــــــــــــــــــــــــــــــــــــــــــــ
    السؤال الخامس النحو
    أعرب ما تحته خط.. لو مالقيتش القطعة أصلا ..اتصرف
    ذهب الرئيس إلى المؤتمر .. ضع الجملة السابقة فى صيغة المثنى .. ماعدا الرئيس طبعا يابني آدم
    كان ممدوح إسماعيل قاتلا .. ضع إن مكان كان .. على ألا تنصب ممدوح.. عشان هوه بينصب لوحده
    فُرِضت الضرائب علينا ببشاعة .. أعرب الجملة .. وارفع الضرائب أبوس إيدك
    ــــــــــــــــــــــــــــــــــــــــــــــ
    السؤال السادس الخط
    كوز المحبة انخرم .. طرطش على كمى .. ياحبيبى بطل جفا وارحم عذاب امى
    اكتب الجملة السابقة ثلاث مرات بثلاث خطوط .. موبينيل وفودافون واتصالات .. كما يمكن التحويل من خط لخط بنفس الرقم..
    فقط اتصل بخدمة العملاء



    انتهى الامتحان وعنكواا ما حليتوا أل يعنى فالحين اوى



    منقول

    mekoo
    مشرفة منتدى اللغات الاجنبية
    مشرفة منتدى اللغات الاجنبية





    عدد المساهمات : 456
    تاريخ التسجيل : 27/02/2010
    العمر : 28
    المزاج : مانجاوي ومحدش ليه دعوه بالمانجا

    رد: امتحان كوميدى ساخر

    مُساهمة من طرف mekoo في الأحد مايو 23, 2010 11:10 pm

    هيا الاسئله كلها اجباري ولا ايه
    طيب ابدا بالتعبير واختار الموضوع الاول
    اللي فيه حرز ده وان شاء الله هبلغ عنك في اخر الامتحان واخد مكافأة كمان
    وعلي اساس ان احنا كده او كده مش هنفلح يبقي انا بانسحب من الامتحان لانه فوق مستوي المشاهد
    وعايز تركيز ومتابعه جيده للتليفزيون


    شكرا شكرا







    كم هو حزين أن تضحك في وجه العالم...وفي داخلك ضجيج العالم....تحاول جاهدا ان تحبس دمعه ألم ...وتحاول اكثر وأكثر... أن تجد من يفهمك....ولكن...يبقى الحال كما هو...والانتظار لا يزال باقيا

    virus
    المراقب العام
    المراقب العام

    +75 نقطة

    عدد المساهمات : 479
    تاريخ التسجيل : 09/02/2010
    العمر : 28
    المزاج : تمامــــــــــــــا نــــــــــجــــــة

    رد: امتحان كوميدى ساخر

    مُساهمة من طرف virus في الإثنين مايو 24, 2010 4:45 pm

    يا عم هو ده امتحان؟
    ده سهل جدا انا ممكن نحله في وقت قياسي
    الحاجات دي كلها عارفينها
    احنا عاوزين حاجات تانيه
    يعني مثلا مشربتش من نيلها دي
    ان شاء اللله مش هنشرب منه تاني
    بس اصبروا شويه يا جماعه لما الدول توقع علي المعاهده
    وخلي بابا حسني واتباعه ينفعونا بعون الله
    ههههههههههههههههههه
    دي حاجه
    وفي حاجات كتير بس بصراحه متأخر ولازم امشي
    بس تسلم ايدك

    Memoo
    صحباوى كبير
    صحباوى كبير



    عدد المساهمات : 1056
    تاريخ التسجيل : 02/02/2010
    العمر : 19

    رد: امتحان كوميدى ساخر

    مُساهمة من طرف Memoo في الثلاثاء مايو 25, 2010 4:31 pm

    ههههههههههههههههههههههههههههههههههههههههههه
    ايه الحلاوه دي ... فينه احمد ذكي بدر يجي يشوف الامتحانات
    اهي دي الامتحانات ولا بلاش
    تسلم ايدك يانيرون .. ماتيجي تحطيلنا انت امتحانات المدارس
    هههههههههههههههههههه
    والحمد لله انك مستعجل يافيرس .. انت لو اتكلمت كلمتين كمان
    والله كان المنتدي اتشمع بالشمع الاحمر هههههههههههه
    تسلم مره تانيه يانيرووووووووون

      الوقت/التاريخ الآن هو الجمعة ديسمبر 02, 2016 10:04 pm