صـــحــبــ الشباب المصرى والعربى ــــــة مـــــــ احنا ملوك المنتديات ـــــــصـــــر

يرجى تسجيل ايميل المنتدى للاستعلامات So7bamsr@yahoo.com

مطلوب مشرفين على جميع الاقسام رشح نفسك دلوقتى على القسم الذى تريده


    حوار مع مواطن مصرى دمه خفيف

    شاطر

    ????
    زائر

    حوار مع مواطن مصرى دمه خفيف

    مُساهمة من طرف ???? في الجمعة يونيو 11, 2010 8:47 pm

    # يقال إن 87%من الشعب المصرى ساخطون على الحكومة المصرية - ما تعليقك؟

    - الـ13% الباقيين أكيد معاهم جنسيات أخرى.




    # هل لك أقارب استشهدوا فى الحرب؟
    - لأ.. عندى أقارب استشهدوا فى السلام.. "السلام 98" طبعاً.


    # ما وجه الشبه بين السد العالى وأمن الدولــة؟
    - الإثنان مصدر "للكهرباء"!!!




    # لماذا يطلق المصريون على زوجاتهم لقب "الحكومة"؟
    - لصعوبة تغييرها مهما تسببت فى كوارث.


    # أين يمكنك أن تلاحظ سوء نية المصريين؟
    - عندما يغنون للطفل البريء بمنتهى الخبث قائلين.. "يا رب يا ربنا - تكبروتبقى زينا".



    # إمتى بتحس إن البلد حلوة؟
    - ما بأحسش إن بلدنا حلوة غير لما داليدا بتقول: "حلوة يا بلدى"... بغض النظر إنها قالتها وانتحرت!!!


    # تقرير: 60% من الرجال المصريين بـ"يشَخَّروا" وهم نائمون.. ما تعليقك؟
    - الـ40% الباقيين بـ"يشخُروا" وهما صاحيين.


    # ما الفرق الأهم بين مصر وأمريكا؟
    - الفرق الأهم إن عائد السياحة من الهرم المزيف الموجود فى لاس فيجاس مائة ضعف عائد السياحة من الهرم الحقيقى فى الجيزة.


    # ما أهم قاعدة موجودة في مصر؟
    - إن مفيش قاعدة لأى حاجة..


    # بماذا ستجيب كمصرى عند سؤالك عن عمرك فيما أفنيته بعد عمر طويل؟
    - أفنيته فى إشارة قصر النيل مستنيها تفتح، وفى صلاح سالم مستنيه يتحرك، وعلى كوبري أكتوبر مستنى لما رئيس الوزراء يروح بيته.

    # من المستفيد من الزحام الذى يسيطر على شوارع القاهرة؟
    - شركات المحمول.. كله واقف فى الإشارة ماسك الموبايل بيخلص شغل أو بيعتذر عن التأخير أو بيسلى نفسه على الأقل، وبالتالى تعتبر الإدارة العامة للمرور هى المستفيد الثانى من مخالفات استخدام المحمول أثناء القيادة.




    # ما الفرق بين الزوجة المصرية والزوجة اللبنانية؟

    - 40 كيلو جرام.

    elaidy
    صحباوى شغال
    صحباوى شغال

    عدد المساهمات : 108
    تاريخ التسجيل : 04/06/2010
    العمر : 97
    المزاج : هههههههههههههههههههههههههههههه

    رد: حوار مع مواطن مصرى دمه خفيف

    مُساهمة من طرف elaidy في الجمعة يونيو 11, 2010 9:00 pm

    هههههههههههههههههههه

    بجد تسلم ايديك
    كاْنك مصرى وعايش وسطنا
    ههههههههههههههه
    تقبل مرورى

    Memoo
    صحباوى كبير
    صحباوى كبير



    عدد المساهمات : 1056
    تاريخ التسجيل : 02/02/2010
    العمر : 20

    رد: حوار مع مواطن مصرى دمه خفيف

    مُساهمة من طرف Memoo في الجمعة يونيو 11, 2010 9:34 pm

    هههههههههههههههههههههههههههههههههه
    عموما المصريين كلهم دمهم خفيف .. ده مبدئيا
    بس طبعا مش اكتر من اللي ناقل التوبيك
    ههههههههههههههههههههه
    تسلم يااحمد
    تقبل مروري يابرنس

    tota
    صحباوى على حق
    صحباوى على حق

    +75 نقطة

    عدد المساهمات : 501
    تاريخ التسجيل : 02/06/2010
    العمر : 22
    المزاج : خايفة اوووووووى

    رد: حوار مع مواطن مصرى دمه خفيف

    مُساهمة من طرف tota في الجمعة يونيو 11, 2010 9:37 pm

    هههههههههههههههههههه
    الشعب المصرى ده زى العسل

    ????
    زائر

    رد: حوار مع مواطن مصرى دمه خفيف

    مُساهمة من طرف ???? في الجمعة يونيو 11, 2010 11:28 pm

    تسلمولى كلكم وربنا يرزقكم بتوبيكات حلوة
    وشكرا خاص لميمو
    وثانكس على المرور

      الوقت/التاريخ الآن هو الأربعاء يناير 18, 2017 6:25 pm