والله انا بقالي كتير بحل في اللغز ده ومش عارف اللي يعرفه يحله

بصو يا جماعة الصحبة الحلوين

انا معايا لغز حلو قوي وشديد واعتقد ان كل الناس هتغلط فيه
انا نفسي طلعت ليه اكتر من رقم واكتر من حل
واتمني ان كل واحد فيكوا يفكر في الحل بتاعه
يلا نقول اللغز ونفكر فيه
اللغز بيقول
باص فيه 7شباب
وكل شاب معاه 7 حقائب وكل حقيبه فيها 7 قطط كبار
وكل قطه من القطط دي معاها 7 قطط صغيرين
عاوزين نعرف كم عدد الأرجل الموجوده في الباص
طبعا مش لأني بحب رقم 7جيبته لأ
هو اللغز كده كله سبعات ههههههههههههههه

اتمني تفاعلكم وتفكيركم فيه وياريت الحل يعني
وكل الناس تفكر فيه ومعاكوا ربنا
يلا فكروا

ايه الحلااااوة دي ايه الطعامه ااااااايه الله يخرب بيتك يا حكيم

بص يا فيرس يا مدوخنا هنعدهم مع بعض

دلوقتي في 7 شباب يبقوا 14 رجل دي اولا

دلوقتي عندنا 7 قطط مع كل قطه 7 صغيرين معني كدا ان في كل حقيبه 49 قطه بالضرب في 4 يا معلم وهو عدد رجلين كل قطه يبقي 196 عدد الرجلين في كل حقيبه

وبكدا عندنا 7 حقائب يبقي بضرب 196 في 7 يبقي الناتج بالصلاه علي النبي 1372

يبقي دا عدد الرجلين بالنسبه ل7 قطط كبار و7 قطط لكل قطه كبيره في 7 حقائب

عشان نعرف عدد الرجلين في الباص كله يبقي رجلين الشباب زائد عدد رجلين كل القطط في ال7 حقائب يبقي

1372 زائد 14 يبقي(1386) الله عليا حليته اهوووووو يا فيرس رياضيا

يا رب الناتج يطلع صح

اصل معاك علمي رياضيات باذن الله

تسلم يا فيرس لغز حلوو وطويل في الحسبه شويتيين تلاته اربعه

سبحان الله طلعت معاكى كبيرة اوى يا سمسمة
انا طلعت معايا 70 رجل
ولو قصدك الباص نفسه يا فيرس بيبقى ب4 تقريبا

طبعا غلط يا سمسمه والله
لأن انتي حسبتي 7 حقائب بس من ال7 شباب
واحنا عاوزين نحسب عدد الأرجل لكل الموجودين
وطبعا كل شاب معاه 7 حقائب
غلط غلط احسبيها تاني وابقي قوليلنا
وانتي يا توتا 70 رجل بس؟ غلط يا توتا انتي كمان
مفيش حد تاني بيفكر ولا ايه يا جدعان
انا حليتها وعارف حلها بس عاوزين الناس تفكر شويه
وشرفتوا يا سمسمه انتي وتوتا

هههههههههههههههههه والله فاتت عليا الجمله دي فعلا

دلوقتي احنا معانا في كل حقيبه 56 قطه وعندنا 49 حقيبه مع الشباب كلهم يبقي عدد القطط كلها 2744 قطه في 4 يا معلم يبقي 10976 دا عدد رجلين القطط ونزود بقي عدد رجلين الشباب ال 14 رجل يبقي عدد الرجلين في الباص كله 10990


اعتقد كدا بقي صح بس انا فعلا كنت هحلها من اول مره لولا فاتتني جمله

والله انا حسبتها ان كل قطة كبيرة معاها قطة صغيرة مش سبع قطط

وبعدين يا فيرس هتعقدنى فى الرياضة ليه ده الرياضة هى الامل هههههههه

والله العظيم يا ميمو انا مجيت جنب ردك خاااااااااااااااااااالص واقسم بالله مبكدب انا والله من ساعه مشوفت الرد من فيرس واني ناقص من حلي جمله مخدتش بالي منها جربت تاني وعدت الحل وليكي ترجعي لردي الاول هتلاقي الحسابات صح بس ناقص حكايه ان مع كل شاب 7 شنط محسبتهاش دي ووالله لما لقيتك رديتي مقراتوش خاااااااااااااااااااالص

كووووووووين غلط ركزي معايا

دلوقتي عندك 7 قطط كبيره كل قطه كبيره معاها7 صغيرين دا في الحقيبه الواحده معني كدا ان في كل حقيبه 49 قطه صغيره وال7 الكبار يبقي عدد القطط في الحقيبه الوحده56 قطه دلوقتي معانا7 شباب مع كل شاب 7 حقائب يبقي اجمالي الحقائب كلها49 حقيبه عشان نعرف عدد القطط كلها يبقي نضرب عدد القطط في الحقيبه الواحده في عدد الحقائب نفسها يعني49 في 56 يبقي الناتج2744 قطه دا عدد القطط كلها طبعا القطه 4 ارجل يبقي عدد ارجل كل القطط 4 في2744 الي هو عدد القطط يطلع الناتج10976 دا عدد رجلين كل القطط نضيف عليهم بقي عدد رجلين الشباب الي هو14 رجل يبقي عدد كل الارجل في الباص 10990 ارجو تكوني فهمتي يا قمرايه متتسرعيش زيي انا كنت ماشيه صح بس حليت بسرعه جدا وفاتتني جمله كامله ضربت الحسبه كلها ومخدتش بالي الا لما فيرس ضاف رد وقلي عليها فعدت الحل تاني وطلع بسهوله بعد ما قراتها كلها وبسرعه كمان لولولي الله اكبر عليا هههههههههههه

سوري يا فيرس طولنا عليك

معلش يا ميمو والنبي مش عاوزين ضرب ولا حاجه اصل انا عارف الحساب ده اكيد هيكون في حاجه
ههههههههههههههه لازم تفكروا ولا انتوا عاوزين تعيشوا كده وخلاص ,, بس بجد
برافو عليكي يا ميمو شكلك دحاحة قوي في الرياضه ههههههههههههههههه
وانتي يا سمسمة اكيد صح بس الحل التاني مش الاول بس صح برده ودحاحة انتي كمان شكلك كده ههههههههه
وانتي يا توتا انتي وكوين غلط طبعا بس شرفتوا وكفايه انكوا فكرتوا
يلا يا ميمو ويا سمسمة اختاروا الهدية اللي تعجبكوا بس بالراحه يعني مش قوي
اصل هدايا غاليه انا مش هنجيب يعني اطلبوا حاجه في المعقول ههههههههههههههههههه
وشرفتوا ونورتوا وهارد لاك لتوتا وكوين

انا عارفه يا فيرس ان الاولاني غلط في الناتج بس لو راجعته تاني هتلاقيه صح بس ناقص جمله وحده ضربت الحسبه كلها وصلحتها لما انت رديت ونبهتني ليها


وبعدين خمسه خمسه في وشك ايش دحيحه طيب يا رب ابقي دحيحه موووت السنه الجايه يا رب

عموما هديتي انا عايزة العسليه والنوجا الي وعدتني بيها ولا ايش مش فاكر؟
هههههههههههههههههههههههههههههههههه

عموما الهديه عايزين الغاز حسابيه جاااااااامده زي دي عشان الرياضيات ممتعه ومشوقه وبتشغل المخ الي ركناه علي جنب في الاجازة هي دي الهديه المنتظره بت يا ميمو اطلبي عروسه لعبه يا بت في الهديه ابيه فيرس هيجيبهالك

هههههههههههههههههههههه

تسلم يا فيرس تقبل مروري

ماشي يا بنوتات هنجيب شوية الغاز حلوة
وفاكر طبعا العسليه والنوجا يا سمسمه هههههههههههه
وانتي يا ميمو لو مش عاوزة شيكولاته براحتك برده
والله انتوا بتوفروا وبتحرجوني كمان يلا بقي مش مهم
شرفتوا ونورتوا
واستنوا الألغاز الجديدة ان شاء الله

يلا يا جماعه في لغز تاني وفكروا فيه لو انتوا شاطرين في الرياضه
وطبعا اللي اخد رياضه 2 في الثانويه هيعرف ومش شرط رياضه 2 يعني
هي عمليات رياضيه سهله وبسيطه خالص يلا نبدأ
بنقول في قطيع من الخرفان والأوز مجموع ما فيه من رؤوس وأرجل هو 99
99 رجل ورأس يعني مجموعهم الاتنين مع بعض
عاوزين نعرف كام عدد الخرفان والأوز بس في حاجه نعرفهالكوا
ان عدد الأوز ضعف عدد الخرفان
يلا يا شاطرين عاوزين تفكير وحل وتعويض وكلام من ده
وزي ما قولنا دي عمليات حسابيه سهلة خالص
مستني الحلول

الاوز 66
الخرفان 33

غلط يا عمنا طبعا
بنقولك عدد الرؤوس والأرجل 99 مش عدد القطيع نفسه
يعني احنا لو عاوزين عرف عددهم زي ما انت فاهم كنا عملنا زي ما انت عملت
انما انا مديك عدد الأرجل والرؤوس وعاوز عدد الخرفان وعدد الأوز
انت فاهم اللغز غلط علي فكرة ركز كده يا عمنا واقراه تاني
وبعدين انا شايف ان الناس مبتفكرش خالص ومحدش عارف يحل
نحله يعني ولا ايه
بس فكروا الاول يلا مستني الحل

ارد انا بقي واكيد صح ان شاء الله

بما ان عندك عدد الاوز ضعف عدد الخرفان يبقي دا الحل

نفرض ان عدد الخرفان س يبقي عدد الاوز 2س

يبقي عدد ارجل الاوز 4س وعدد رؤس الاوز 2س برده لان كل واحده ليها راس وحده يعني يبقي عددهم هو عدد رؤسهم

نيجي للخرفان عدد الارجل 4 في س يبقي 4س عدد الارجل وعدد الرؤس هو عددهم نفسه الي هو س

بجمع عدد الارجل والرؤس للخرفان والاوز يبقي
4س و4س و2س وس يبقي 11س

وانت قايل عددهم 99
يبقي 11س يساوي 99

يبقي س قيمتها 9
قولنا عدد الخرفان س يبقي عددهم 9 وعدد الاوز 2س يبقي عددهم18

يبقي الناتج

عدد الاوز 18 وعدد الخرفان 9 يا رب يطلع صح

هيييييييييييييييييييييييييه الحل طلع صوح يا ابوي

علي فكره انا مخدتش بالي من كلام حمووووو بس نقول ركز يا حمو انت حالف بالله طالما شوفت تسعتين جمب بعض يبقي العدد للاوز والخرفان نفس الجو قومت كاتب 33 و66 اوعي تزعل انا بهزر

فيرس انا مش عايزة عسليه انا عايزة نايتي ولبانه من الغاليه من ام ربع جنيه

ههههههههههههههههههههههه

بجد الغاز حلوة يا فيرس عايزين كمان وبعدين مفيش مهندسين من بعدك يا برنس دا انت بالالغاز دي مدير ورئيس قسم

ههههههههههههههههههه

مستنين اللغز الجديد

ماشى لغز جديد وانا معرفش

ماشى يا فيرس