لوكاندة الاعضاء......... والنبي جميلة

لوكاندة الأعضاء




شوفوا يا جماعه
النهارده معانا موضوع جديد وفكره روعه
الموضوع ده بجد جميل ومتعب والله ويا رب يعجبكم

فكرة الموضوع بقي هي لوكاندة للأعضاء وهي لوكانده هيكون فيها الأعضاء ضيوف وهتحصل مواقف كوميديه بينهم
خليني منطولش عليكم وندخل في المفيد




هنبدأ مع :



مدير الوكانده : دنجوان



الريسبشن : لؤلؤة


حارس الأمن : هيرو



اللي بيجيب الزباين من المحطه : نيرون


الزبونه : رورو







ومن هنا بدأ الحوار







نيرون : واقف مستني قطر الساعة واحده ونص لما يوصل
نيرون : لوكانده السعاده أجدع لوكانده
لوكانده السعاده يعني أحلي قعده
لوكانده السعاده يعني لوعايز تتخمد بسلام
لوكانده السعاده...................وفجأة
رورو : إنت ياللي بتنده تعالي هنا
نيرون : أنا يا مدام؟
رورو : مدام؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟
إنت إنتصيت في نظرك أنا مد..
نيرون : خلاص خلاص إيه الراديو ده مش إنتي
كل الموضوع إني كنت عايز نعرف حاجه وخلاص عرفتها هههههههه
رورو : نعم بتقول حاجه
نيرون : لا أبدا بكلم نفسي
رورو : طيب أنا عايزه سكن في اللوكانده اللي صدعتني بيها
نيرون : أيوه جااااااااااااااااااااااااااي فين الشنط
رورو: أهي وقف تاكسي وشيل يلا
نيرون: يا لهوي يا جدعان جه الوقت اللي نيرون باشا يشيل فيه الشنط يا خرابي تعالي اتفرج يا عم فيرس
وراح مطلع السيجارة المارلبورو من فوق ودانه والولاعه المفتخره هههههه اللي جاية من فرنسا يا نيرون (شكلك ضيعتها )
رورو: مش ده شغلك؟؟
نيرون : بصلها وعدل وشه وبص لشيال المحطه :خد تعالي ياله شيل الشنط دي عبال ما نلاقي تاكسي
رورو : عجايب
نيرون : يلا يا ست الكتكوته عشان خنقتيني


ووقف تاكسي ووصل الوكاندة وعند الأستقبال وقفهم هيرو 00حارس الأمن




هيرو : وقف عندك منك ليها إيه هي لوكانده من غير بواب
نيرون يقول ل هيرو : زبونه سقع إيدك عالسبيك
هيرو : طب إنصرف إنت و إتصرف مع المدير
نيرون ل رورو: ده أنتي هتشوفي العجب أشوف وشك بخير سلام
هيرو: أهلا بالزبونه الجديده
رورو : أهلا وسهلا
هيرو : يلا بقي علشان إختبارات الأمن والسلامه و الحوادث والكشف الطبي
رورو : نعم
هيرو : أعلي صوتي؟
رورو : يعني إيه ؟؟؟؟؟؟؟؟ بص ريح نفسك وأندهلي المدير
هيرو : أمال داخله لوكانده إزاي واضح إن دي أول مره ليكي
رورو : إندهلي المديييييييييييييييييييييييييي يييييير
هيرو: خلاااااااااااااااااااااااااااا اااااااااااص الله !! يلا يا عسل عالسوبرشن
رورو : سوبرشن؟؟؟؟؟؟؟؟؟؟
هيرو بصوت واطي : جهل بعيد عن الناس
رورو : مش هنخلص
هيرو : لأ لسه فاضل جهاز كشف الكدب
رورو بعصبيه : خلص
هيرو: طيب متزعقيش كده


وعند الريسبشن




هير ل لؤلؤة : صباح الخير يا عسل
لؤلؤة :لخص يا إشطه
هيرو: معايا زبونه
لؤلؤة: إصطبحنا وإصطبح الملك لله
رورو ل لؤلؤة : صباح الخير لو سمحتي عاوزه أوضه
لؤلؤة :مشغوله في أوراق : لا والله مش موجوده نقولها مين
رورو : إيه اللي مين أنا عايزه أوضه
لؤلؤة : أأأأأأأأأأأأأأه طيب - وجابت دفتر:
إسمك وسنك وعنوانك ورقم تليفون البيت والموبايل ورقم بطاقه التموين و إسم عمك ورقم تليفون جوز خالتك
رورو : إيه ده هو أنا داخله أمن دوله
لؤلؤة : بتهزري؟ أهم يا حبيبتي .. إنتي داخله لوكانننننننننننننده
رورو : أه واضح إني مش هخلص فين المدير
لؤلؤة :رمت الدفتر علي جنب : المدير الذي طلبتيه غير موجود بالخدمه حاولي في وقت لاحق
رورو : بقي كده طيب


وإشتغلوا مع بعض زعيق وخناق والذي منه
وربنا يستر عليهم بقي اصل احنا عارفين خناقة البنات هههههههههههه المهم....






هيرو دخل لقيهم كده راح داخل ل دنجوان اللي كان مشغول في التليفون


دنجوان في التليفون : لالالالالا إنتي مش فاهماني أصلا أنا كده كده مكنتش رايح الفرح ده
هيرو : يا سياده المدير
دنجوان بصله وكمل في التليفون : تورته ؟؟؟ تورته إيه
هيرو : سيادتك
دنجوان : علي فستان العروسه ؟؟ يا نهار أبيض دا أنا فاتني نص عمري
هيرو : يا فندم
دنجوان : ودي هتغير الفستان إزاي أكيد نضفوه وخلاص
هيرو : عمييييييييييييييييييييييي
دنجوان : دي بجد حاجه تكسف كويس إني مرحتش
هيرو جاب أخره : إنت يالي بتقبضنا
دنجوان : خلاص سلام دلوقتي يا روحي -- وراح خابط السماعه
دنجوان ل هيرو : عايز إيه
هيرو : ولا حاجه
دنجوان : نعم ولا حاجه؟
هيرو : أصلي مش عارف أجبهالك إزاي
دنجوان : هاتهالي ملفوفه في ورقة سلوفان.. لخص يا قمور
هيرو : الريسبشن
دنجوان : ماله
هيرو : بص أنا هواجهك واللي يحصل يحصل تعالي معايا
دنجوان : يادي النيله تعالي معايا؟؟


وفي الريسبشن






رورو ل لؤلؤة : هوريكي
لؤلؤة : هتشوفي
دنجوان : إيه اللي بيحصل ده
لؤلؤة :دي هيه اللي.......
رورو : لأ إنتي
دنجوان : خلاص خلاص
رورو علي الأخر وبأعلي صوت : إنت المدير؟؟
دنجوان : أيوه هدي نفسك خدها يا هيرو طلعها أوضه 27
هيرو : والله انا غلطان يا عم بشتغل لناس مبتقدرش خلاص يا عم انامش شغال
دنجوان : وبعدين!!!
هيرو : أمري لله





وبعد الوضع ما إترستق وكله بقى تمام رورو راحت اوضتها اللي هي 27



طبعا حجرة 27 دي ليها مواصفات خاصة


داخل حجره 27


الطقس بارد شديد البروده والعواصف تزمجر بالخارج وتلاطم أوراق الأشجار فنسمع حفيفا أنينا خافتا . أنينا يشكو غضب الطبيعه دقات خفيفه تدق

النافذه المغلقه دقات يعلو ضجيجها وتعلو معها دقات قلب رورو الصغيره

فنراها تتململ في فراشها و كأن يد الطبيعه قد إخترقت نافذه حجرتها لتوقظها

كما أيقظت الليل من سباته.

الظلام يملأ الحجره المغلقه تزداد الدقات

علي النافذه وضوحا فحاولت رورو أن تهب من فراشها ولكن رأسها ثقيلة

وقدميها أثقل فحاولت أن تبدد الخوف فتذكرت ليله أمس




نيرون : يلا يا ست الكتكوته عشان خنقتيني

هيرو : لأ لسه فاضل جهاز كشف الكدب

لؤلؤة : المدير الذي طلبتيه غير موجود بالخدمه حاولي في وقت لاحق


وفجأه تحجرت عيناها في الظلام لقد إزدادت الدقات ولكن ليس علي النافذه ولكن داخل الحجره


أأأأأأأأأأأأأأأأأأأأأأأأأأأأأأ أأأأأأأأأأأأأأأأأأأأ أأأاأأأأأأأأأأأأأه



الريسبشن


لؤلؤة: في حجرتها في ثبات عميييييييييييييييييييييق وفجأه رن جرس

التليفون بحراره ولؤلؤة نايمه ويرن وهي نايمه ويرن ولسه نايمه

إنت يا ست الكتكوته ولسه نايمه

إصحييييييييييييييييييييييييييي ييييي خلاص صحيت

وردت علي التليفون ومعاها رورو

رورو :إلحقونيييييييييييييي

لؤلؤة : نامي يا حبيبتي الساعه 4 الفجر متبقيش عبيطه وتلمي
علينا الناس

لؤلؤة : الحقونيييييييييييييييييييييييي يييييييييييييييييييي يييييييييييييييييييييييييييي

لؤلؤة : طيب طيب هندهلك هيرو لما نشوف اخرتها معاكي ايه


و في مكان الحراسه


هيرو تعباااااااااااان ونايم "حراسه مودرن" من اللي بيعمله في الزباين يا سلام ملاك يا أخواتي

لؤلؤة: هيرو إصحي

هيرو نايم

لؤلؤة: إصحي يا نايم وحد الدايم رمضان كريم


اصحي يا هيرو اصحي يا ادهم شيكي دودو عالسحور اطعم

هيرو : أنااااااااااااااا خخخخخخخخخخخخخخخخخخخخخخخ

لؤلؤة : يا عم إصحي شوف الزبونه الجديده

هيرو : خخخخخخخخخخخخخ

لؤلؤة: قلبت مره واحده " : ما تصحي يا روح خالتك هو أنا فاضيالك

هيرو "إتفزع " : أعوذ بالله عايزه إيه

لؤلؤة: الزبونه الجديده بتصرخ في التليفون واضح إن عندها حرامي في الأوضه

هيرو : حرامي ؟؟؟؟؟؟ إنت قولتي حرامي جبتي سيره حرامي ما إتخلقش الحرامي اللي يعملها

لؤلؤة: طب ورينا يا خفيف


هيرو أخد ديله في سنانه ودخل أوضته وجاب البندقيه اللي سرقها من اقسام الشرطه لما عملنا انقلاب عالمنتدي وطلع علي اللوكانده علي طول


ولؤلؤة داخله تكمل نوم "هاااااااااااااااااااااااااااا ااو" لقيت نيرون جاي من سهرته اللي علي القهوه بيغني وكان مظبط النفوخ


نيرون : من حق الكبير يدلع من حق الكبييييييييييييير إدلع يا بابا إدلع حوليك الصحاب تتجمع ليلي ليل ليلي ليل

لؤلؤة : أهلا باللي بيجيب الزباين مش عارفه من غيرك كنا هنشتغل إزاي

نيرون : يا دي النيله طيريلي الدماغ اللي عاملها بقي

لؤلؤة: متعرفش اللي حصل

نيرون : وهعرف إزاي يا ست الأموره

لؤلؤة: أصل واضح كده والله أعلم إن في حرامي في اللوكانده

نيرون : طب الحمد لله وعملتوا معاه الواجب

لؤلؤة: واجب إيه هو إحنا في مدرسه

نيرون : أمال إحنا فين ؟؟؟؟؟ هو أنا تهت ولا إيه؟؟؟؟؟؟

لؤلؤة: لا دا إنت فايق تصبح علي خير

نيرون : طيب


وفي اللوكانده


هيرو بيكلم نفسه : حرامي وأنا موجود دي مصيبه كارثه فضيحه


قابل رورو علي السلم نازله جري


هيرو : فين هو خليني أشرب من دمه

رورو : فوق فوق

هيرو : جايلك يا إبن الحراميه ها مين هناك


رورو واقفه مرتبكه مش عارفه تعمل إيه إتصلت بصاحبتها روءة علي الموبايل اللي عايشه في القاهره


رورو : ألو روءة إلحقينيييييييييييييييي

روءة : فيه إيه يا رورو قلقتيني

رورو : تعاليلي بسرعه


وعطتها عنوان اللوكانده فجت بسرعه البرق وبعد البوس و الأحضان والذي منه


رورو : إنت نفدتي إزاي من علي الباب؟؟

روءة: عادي

رورو : أه صحيح ده اللي إسمهه هيرو ده فوق

روءة: هيرو ؟؟؟؟؟؟؟؟ ودا يطلع مين دا كمان

رورو : أنا هحكيلك كل حاجه تعالي


وقعدوا في الريسبشن حكتلها كل حاجه وهي بتبكي


رورو : أأأأأأأأأأأأأأأأه يا مامي

روءة: بس بقي ما تبكنيش معاكي

رورو : أصلك مشفتيش اللي أنا شفته

روءة: أكيد مع الوقت هتنسي شكله بس إنتي غلطانه معقول تيجي هنا ومتجيش بيت صاحبتك؟؟ قال يعني هههههههه

رورو : محبتش أتقل عليكم

روءة: لأ غلطانه.. قال يعني برده هههههههه


هيرو حاطط الجلبيه في بقه نازل جري رورو وروءة طاروا عليه


هيرو : مجاش هنا ؟؟؟؟؟؟؟؟؟؟

رورو : لأ إنت مشفتوش؟؟؟؟؟

هيرو: خلع قبل ما أجي ابن التيــــــــت

روءة: دي فوضه ده تسيب فين المدير

هيرو: يادي دنجوان اللي فلقتوا دماغنا بيه

روءة: المديييييييييييييييييييييييييي ييييير انا عاوزة المدير

هيرو : طب إستني



هيرو:غاب لحظات "ساعه مثلا " ورجع ومعاه دنجوان "مشرفنا الغالي هههههه"


دنجوان : أنا هتصرف ما تقلقوش

روءة: تتصرف إزاي لازم تتصل بالبوليس

دنجوان : بوليس؟؟؟؟؟؟؟؟؟ وبص لهيرو: ماتتصرف ياعم هيرو ولا فالح بس في اللماضه


ودخل عليهم نيرون بيغني


نيرون: من حق الكبير يدلع من حق الكببببببببببب سياده المدير ؟؟؟؟؟؟ بص

أنا هعترف بكل حاجه والله ما لقيت زبون واحد في قطر الساعه 2 بالليل فقولت

أريح علي قهوه ألعبلي عشرتين طاوله ولقيت هناك ناس حريفه فسرقني الوقت وإتأخرت

دنجوان : ودا وقته هو انا ناقصك إنت كمان مش كفايه المصيبه دي

نيرون : طب تمام محدش عايز مني حاجه لأ طب سلام من حق الكبير يدلع


روءة: لازم تتصل بالبوليس

دنجوان : حاضر أمري لله


وإتصل دنجوان :بالقسم وعمل بلاغ فجت عربيه البوليس وفيها سياده المقدم كوين لوف

كوين لوف : صباح الخير

دنجوان : أهلا سياده المقدم فينك من بدري

كوين لوف : كنت بشرب الشاي بتاعي في القسم علشان أخدم الناس و أنا فايق فين المجرم ؟

روءة: أمال إحنا جايبينك ليه؟؟؟؟؟؟؟؟؟؟

كوين لوف: أه صحيح فين صاحب البلاغ عايزين نشتغل أنا فايق

رورو: أنا يا حضره الظابط

كوين لوف : إنتي طب إحكيلي علي كل حاجه من طقطق لسلام عليكم

هيرو : وعليكم السلام ورحمه الله وبركاته إزيك يا باشا بس أحب أقولك

ما تتعبش نفسك أنا دورت قبلك 100 مليون مره ومالقتش حاجه فص ملح وداب


نيرون:داخل زي العاده ومعاه زبون سقع " اللي هي انجيل " وبيغني برده


نيرون : من حق الكبير يدلع

كوين لوف : إنت تعالي هنا

تيرون : انا يا حضرة الظابط ؟

كوين لوف : ايوة انت افتح بقك كده

نيرون : أه والنبي أصل ضرس العقل تاعبني جامد وحياه أبوك شيلهولي



كوين لوف : أشيلهولك دا إيه إمشي

نيرون: أمشي ولا أقف إيه وجع القلب ده


كوين لوف : خلاص إمشي هبوسك علي رجلك يعني علشان تمشي؟


نيرون : لأ مش لازم أنا ماشي وخلاص من حق الكبير تعالي يا زبون


كوين لوف ل رورو : إحكيلي علي كل حاجه... كل التفاصيل كل حاجه

رورو:كبير كبير أوي

روءة: يا عيني

كوين لوف :شكله ايه يعني مقلبظ كده ؟

رورو: أوي أوي

كوين لوف : اه وشفتيه الساعه كام

رورو : مش فاكره


وبكت جدا وإترمت في حضن روءة بتبكي


كوين لوف : أه طب إديني مواصفاته

رورو : كبير أوي أوي

كوين لوف : أه وإيه كمان

رورو : وراسه كبيره

كوين لوف : كملي

رورو : ولونه رمادي

كوين لوف : رمادي ؟؟؟؟؟؟ أه قصدك لابس متخفي أوكي و إيه كمان

رورو : وديله طويييييييييييييييييييييييل


كوين لوف : ديله طويل؟؟؟؟؟؟؟؟؟؟؟؟؟؟؟؟؟ إنتي بتتكلمي عن مين؟؟؟؟؟؟؟؟؟؟؟؟

رورو


عن






عن









الفار
اللي شوفته

ههههههههههههههههههههههههههههههههههههههههه
ههههههههههههههههههههههههههههههههههههههههه
ههههههههههههههههههههههههههههههههههههههههه

وكفاية كده بقي
يا رب تعجبكم

ههههههههههههههههههههههههههههههههههههههههههههههههههههههههههههههههههههههههههههههههههههههههه فااااااااااااااار يا رورو دي اخرها وصحينا هيرو وطيرنا الدماغ اللي نيرون عملها وصحينا لولو ودي لما بتصحي من النوم بتبقي مصيبه ومشورنا روءه عشان فاااااااااااااااااااااار مش قادره هموووووووووووووت والله يا فيرس يا بني تسلم ايدك وكيبوردك علي لوكانده في الدنيا

ههههههههههههههههههههههههههههههههههههههههههههههههه
هههههههههههههههههههههههههههههههههههههههههههههههه
هههههههههههههههههههههههههههههههههههههههههههههههههه

حرام عليكى والله يا رورو بقى تطيرى الدماغ الى انا عاملها عشان

فـــــــــــــــــــــــــــــــــــــار

ويا ترى الفار دة له ديل واحد ولا ديلين

ههههههههههههههههههههههههههههههههه
هههههههههههههههههههههههههههههههه

تسلملى يا حبيب قلبى

ومستنين منك الجديد على طوووول

ومن حق الكبير يدلع من حقك يا فيرس تدلع
هههههههههههههههههههههههههههه