صـــحــبــ الشباب المصرى والعربى ــــــة مـــــــ احنا ملوك المنتديات ـــــــصـــــر

يرجى تسجيل ايميل المنتدى للاستعلامات So7bamsr@yahoo.com

مطلوب مشرفين على جميع الاقسام رشح نفسك دلوقتى على القسم الذى تريده


    عشرين جمله 95% من شباب مصر بيقولوها للبنات

    شاطر

    Mo0oNtY
    صحباوى شغال
    صحباوى شغال

    عدد المساهمات : 165
    تاريخ التسجيل : 18/02/2010
    العمر : 27
    المزاج : فى الدنيا

    عشرين جمله 95% من شباب مصر بيقولوها للبنات

    مُساهمة من طرف Mo0oNtY في الأربعاء مايو 12, 2010 9:25 am

    عشرين جمله 95% من شباب مصر بيقولوها للبنات


    1-حبيبتى انتى عارفه انا مش بحب حركات الشباب الطايش انا 'اصلا مبكلمش بنات
    (وتلاقيه يعرف طوب الارض )

    2-يااااه ياحبيبتى انا حاسس انى اعرفك من زمان
    (وهوا تلاقيه متلخبط بينها وبين بنت كان يعرفها قبل كده)

    3- حاسس ان فيكى حاجه غريبه غير كل البنات
    (اكنها مثلا بتمشى على ايديها ورجليها )

    4-انا حاسس ان فى شبه كبير بين افكارى و افكارك احنا اكيد
    مخلوقين لبعض
    (اكيد دى البنت رقم 100 اللى بيقولها كده
    وكأًن كل بنات الدنيا مخلوقين عشانه)

    5- حبيبتى انتى اول حب فى حياتى وانا حاسس انى اتولدت يوم ماقبلتك
    (على أساس ان والدته كانت حامل فيه 20 سنه وولدته قبل مايقابلها بيومين )

    6-يااه يا حبيبتى انتى تؤمرى وانا انفذ اللى انتى عايزاه اجبهولك
    (فى المشمش)

    7-حبيبتى الطقم اللى انتى لبساه ده تحفه بس متلبسهوش تانى عشان بتبقى حلوه وانا بغيييييير بغيييييييييير
    (طبعا فاهمين الحركات دى تلاقيه مش عاجبه اساسا)

    8-هكلم باباكى اول ماكًون نفسى
    (موووووووووووت يا حمااااااااااار)

    9-عايز اشوفك كل يوم كل ساعه كل ثانيه
    (عشان اصحابه يتأكدو انها حلوه)

    10 حبيبتى افتكرى دايما انى لما بحب بحب بجد وانا حبيتك بجد من اول ماشوفتك وكنت بدور عليكى من زمااااااان (بففففففففف الاسطوانه المشروخه)

    11-انا علاقتى بيكى محدش يعرفها غيرى و غيرك و ربنا لانك بقيتى كل خصوصياتى
    (يعنى يا دوب اللى يعرفو اخواته و اصحابه و جرانه وقاريبه وصحاب صحابه.....الخخخخ)

    12-معلش ياحبيبتى مش هقدر اعدى عليكى بالعربيه النهارده علشان هيا فى التوكيل
    (طبعا عارفين شويه الفشخرة دول وهوا اساسا ماعندوش عربيه و اكيد ماعرفش يزوغ بعربيه باباه )

    13- ياحبيبتى انتى بتتكلمى فى أيه انا كل عطورى من فرنسا
    ( ايوه زغلل عنيها ياواد)

    14-ياه لما بشوف رقمك على الموبيل قلبى بيتنفض (طبعا من الخضه انها تكون فأسته)

    15-فلان قالى اديله رقمك بس انا قلتله اقتلنى قبل ماتاخد رقها منى
    (ياااااه على التضحيه وهى ياعينى رقمها مع مخاليق ربنا كلهم)

    16-حبيبتى عايز صورتك عشان قبل مانام اشاهد فى جمالك واحطها تحت المخده
    (لا وهو الصادق عشان لما يتخانقو يهددها بيها)

    17-اسف يا حبيبتى امبارح مقدرتش اكلمك كنت مشغوووول فى المذاكره
    (قصده معهوش فلوس او مشغول مع واحده تانيه)

    18-اسف يا حبيبتى انى مقدرتش اجى فى المعاد امبارح كان عندى ظروف صعبه
    (معزور الولد افتكر معاد البنت التانيه اللى بقاله 3 اسابيع مأجله)

    19-عارفه يا حبيبتى انا طول الليل منمتش قاعد بفكر فيكى
    (بس على ميين ترد عليه تقوله اومال مين اللى كان نايم و مبيردش على التليفون؟ بس كالعاده الرد جاهز............ياااه انتى تقصدى الخمس دقايق اللى نمتهم دوول؟دول من كتر التفكير فيكى جالى غيبوبه)

    20-عارفه يا حبيبتى انا اصلا مش بفتح الماسنجر الا لما بتكونى موجوده اصلاالنت من غيرك ما يسواش
    (يقصد مش بيفتح البلوك عنها الا اما تكون هيا بس الى اون لين عنده)
    ------------------------------------



    عشر جمل جداد الولد بيقولهم للبنت بس لما يزهق منها وينفصل عنها لما يشوف واحده احلى منها
    ----------------------------------------





    1- حبيبتى انا ماستهلكيش
    (هيييه وهوا ده حال الدنيا , الولد بيضحى علشان الدكتور قالوه هاتموت الاسبوع الى جاى فامش لازم يعذبها معاه )

    2- انا بعمل كده علشانك انتى
    ( ايوه ماحنا عارفين باباها قالو لو ماسبتهاش هاحرمها من الميراث )

    3- انا هاسيبك علشان مش عاوز اى حد يتكلم عليكى نص كلمه
    ( ياراجل وانت لسه فاكر دلوقتى مالبنت اتشحورت والحمد لله بسببك وخلاص الى حصل حصل)

    4- انا مش عاوزك تزعلى مينى
    (يارااااجل وانت لما تسبها هاتعمل فرح وتدبح عجلين يعنى ؟!لا والنبى هاتزغرد لولولولى الواد سابنى انا فرحانه )

    5- انا هاهاجر ومش عارف هارجع امتى
    (طب ماتخدها معاك يامعلم ولا هيا حجج وخلاص)

    6- أنا مانفعش ارتبط بواحده مشيت معاها
    (ياراجل ان شاء الله ربنا هايكرمك وترتبط بوحده مشيت مع نص شباب شبرا ومصر القديمه كمان )

    7- انتى احسن حد عرفته فى حياتى بس مش هاينفع نكمل
    ( ترد هيا بقى وهيا بتعيط ئهئ ئهئ ئهئ ليه ليه ليه .. يقولها علشان خطرى انا ماستحملش دموعك ... وبرده مايقولهاش)

    8- انتى اكتر حد حبيته فى حياتى بس برده زى ماقولتلك مش هاينفع نكمل
    (لا تعليق)

    9- حبيبتى انا اكتشفت ان مافيش مابينا حاجه متشابهه
    (لأ بجد....بألو سنتين ماشى معاها وبعدين لسه مكتشف ده , الظاهر عليه كان بيكتشف مقبرة جديده فى اسوان ولا حاجه)

    10- والله ياحببتى انا مش وحش وبلعب بمشاعر البنات زى مانتى فاكرة بس هوا ده نصيبنا
    (لا ماهو واضح)




    =================================

    وطبعا مش كل الشباب بتوع حورات واكيد مش كل البنات ملائكة
    فى وفى
    ويارب ميكونش متكرر
    وينال اعجابكم

    Mя.CoPrA
    Admin
    Admin

    عدد المساهمات : 258
    تاريخ التسجيل : 01/02/2010
    العمر : 26

    رد: عشرين جمله 95% من شباب مصر بيقولوها للبنات

    مُساهمة من طرف Mя.CoPrA في الأربعاء مايو 12, 2010 5:25 pm

    ايه ده يامونتى
    باه الشباب كده
    طيب جهزى نفسك هتاخدى بان منتدى هههههههههههههه


    Mo0oNtY
    صحباوى شغال
    صحباوى شغال

    عدد المساهمات : 165
    تاريخ التسجيل : 18/02/2010
    العمر : 27
    المزاج : فى الدنيا

    رد: عشرين جمله 95% من شباب مصر بيقولوها للبنات

    مُساهمة من طرف Mo0oNtY في الخميس مايو 13, 2010 8:57 am

    كدا


    انت موش قريت اخر الموضوع
    موش كل الشباب كدا
    على العموم تسلم كوبارا على المرور

    virus
    المراقب العام
    المراقب العام

    +75 نقطة

    عدد المساهمات : 479
    تاريخ التسجيل : 09/02/2010
    العمر : 28
    المزاج : تمامــــــــــــــا نــــــــــجــــــة

    رد: عشرين جمله 95% من شباب مصر بيقولوها للبنات

    مُساهمة من طرف virus في الخميس مايو 13, 2010 4:42 pm

    اييييييييييييه ده كله يا هانم
    احنا بنعمل كده؟
    والله ليك حق يا كوبرا انك تعملها بان
    هههههههههههههههههههه
    بس اقولك تسلم ايدك والله

    the queen love
    المراقب العام
    المراقب العام

    عدد المساهمات : 824
    تاريخ التسجيل : 12/02/2010
    العمر : 21

    رد: عشرين جمله 95% من شباب مصر بيقولوها للبنات

    مُساهمة من طرف the queen love في الخميس مايو 13, 2010 4:46 pm

    اه يامونتى موتيهم بقى

    تستهلو ماتضحكوش على حد انتو ليكو اخوات برده

    وكما تدين تدان زى ماتقول زى ماهايتقال

    تسلمى ياقمرايا








    Mo0oNtY
    صحباوى شغال
    صحباوى شغال

    عدد المساهمات : 165
    تاريخ التسجيل : 18/02/2010
    العمر : 27
    المزاج : فى الدنيا

    رد: عشرين جمله 95% من شباب مصر بيقولوها للبنات

    مُساهمة من طرف Mo0oNtY في الأحد مايو 23, 2010 10:45 am

    تشكر يا فيروش باشا على الرد
    مرسيى كوين على الرد
    نورتوا التوبيك

      الوقت/التاريخ الآن هو الخميس ديسمبر 08, 2016 11:49 am