سلاموووووووووووووو عليكوووووووووووووووو
اولا بحب امسي او اصبح علي الاعضاء الحلوين الي في المنتدي حسب التوقيت المحلي لساعه البقال الي تحت ويا رب تكونوا كلكم بخير
موضوعنا مؤثر للغايه وارجو كميه مناديل معقوله في ايد كل واحد فينا
الشارع المصري يا جماعه بقي مجتمع مفتوح لالفاظ اللمبي والحاجه نوسه والواد دبور واخوه نموسه
ايووووووووون ما احنا داخلين علي مشكله كبيره
اولا نبدا بالستات الحلوين في السيده زينب والشرابيه وشبرا وغيرها من الاماكن الشعبيه الحلوة ديتلاقي الست من دول قاعده في بيتها ولا بسه البتنجاني وطالع منها ريحه بصل كبابي وضربه البوذ اياه في وش جوزها ويوم ما يزهق ويتجوز عليها تقول يالهووووي الراجل سبني
تيجي تكلمها عن حاجه حصلت قبل كدا تقولك دك النهار !!! وتعني في لغتنا العامه يوم فات قبل كدا
تيجي تكلمها في موضوع ثقافي تقولك الحفره وهي قصدها يعني الفجوة
يعني بالذمه دا كلام يا جماعه؟؟؟
ندخل علي الرجاله الحلوين مهو برده مش كل العيوب في الستات
تلاقي الراجل من دول سايب مراته وعياله وطيران علي القهوة ولابس طقم الزمالك
ورايح يتفرج علي المونديال وفي ايده علم انبيبقي يا جماعه دا كلام معقول؟
ويوم ما ربنا يفتح عليه ويروح كافيه محترم مدروس بشباب ومزز الجامعه يطلب سحلب وشاي بالعناب ويوم ما يروح ديسكو يطلب اغنيه متزوقيني يا ماما قال يعني وحشته الافراح البلدي
يعني دا كلام يا رجاله يرضيكوا كدا؟؟؟
ندخل عالبنات تحت سن 17
ودول بقي يا جماعه بلاويهم كتيره
اول حاجه تلاقي البت من دول لابسه 50 طرحه وماشيه راسها شبه طبق السلطه وشويه شويه تلاقيه قلب طبق حلويات واديها بابا غنوج ومشبك وبسؤال بعض البنات عن سبب الدماغ العاليه دي
قالوا انها بتعمل دماغ رباني بتكبر الدي وبتروق الجي يعني وداعا للمخدرات والادمان وعددوا فوائد الطرح الكتير دي عموما ربنا يشفي
وانا في رايي الخاص ان الي بتعمل طرح كتير دي بتبقي ماشيه وراسها شبه القبه الخضراء للجامع الاموي في سوريا عقبال عندنا كلنا لما نروح ونصلي فيه
ثانيا ودي مصيبه تلاقي البت من دول طول النهار مشغله قناه مزيكا وبتتعلم رقصه روبي في اغنيه طب ليه بيداري كدا ولا هو دراي كدا ولا انا دا
والنبي يا جماعه سبوني اكمل الاغنيه
وثالثا بقي تلاقي البت من دول تفضل قبل وبعد الدروس الخصوصيه
تبص علي الشباب وبعد شويه تطب ساكته وتركب حمار جدها واديها سيدي وصالك في ودان الوادلما ودانه اتخرمت وركب بلونه بدل الطبله اللي جوه
يعني بقي بالذمه دا كلام يا جماعه يرضيكوا كدا يا شباب؟؟؟؟
بعد كدا ندخل عالشباب الامور اوي مهو اكيد برده ليكو عيوب يا حلوين
تلاقي الواد من دول يقضيها علي الفيس بوك حب وجو مع مزه واي لف يو مي تو وياحبي ويا عمري والكلام الفاضي دا
وبعد شهرين نحنحه علي الموبايل والنت يفكر يقابلها وتحصل المصيبه
يلاقيها شبه امنا الغوله يقوم يدبلها كلمتين وكمان يسبها تدفع تمن العصير بقي بالذمه دا كلام
امال فين انا بحبك وبدون النظر الي الشكليات ولا هو كلام وخلاص؟؟؟
ثانيا تلاقي الواد من دول طول النهار عمال يتفرج علي نانسي وشاكيرا والاخت هيفاء الي قلبه الدنيا راسا علي عقب
وسايب بنات بلده مقطعين نفسهم في الشوارع من الميك اب واللبس الغربي ايه يا شباب طب ما بنات بلدنا اولي
ولا ايه يا بنات؟؟؟؟
ثالثا ودا مضايق ناس كتير اوي
تلاقي الواد من دول ماشي ولابس بنطلون ضيق موت وتيشرت مش ظريف
وبقي الشباب علي كدا بينافسوا البنات في اللبس الضيق ولا نعتبر دا اغراء يا شباب؟؟؟؟
ازاي تسمح باللبس دا لبنات صغيرين في الابتدائي يمشوا وراك ويقولوا قسم يا جنرال ويا كبير الجو والحاج القرموطي يطلع يقولك العب ووراه الاخت ماريا الي اسمها الحقيقي زكيه بعون الله
يا جماعه احنا بنحب الهزار وعلاج المشاكل عن طريقه حاجه كويسه ويا ريت قبل ما نضحك نراجع نفسنا ودي مش تريقه والله احنا اجدع ناس واحلي شعب
وسوري بجد يا جماعه علي اللون الاسود البلاك دا بس انتم عارفين ساعه المصايب لازم كل حاجه تسود
تحياتي
MISS SMSMA
