شاب مدمن ( نت ) يكتب رسالة لحبيبته ..
باهواك انا صبح وليل ......... وانت ولا حتى ايميل
فرح قلبى وعيونى ............ تطلب بريدى الالكترونى
باصرف انا وبفنجر ............. وبفتح لك 100 ماسنجر
عليك بصحى وببات ............ وبستناك جوه الشات
حبك في قلبى ابتدى .............. وعملت لك يا روحى منتدى
طول عمرى انا بهواك ........ وانت بتخاف مالهاك
وبقول لك ياروحى كافى ........ وكفايه بس المكافى
حيى يا حبيبى مش غوول ....... ومش عايز فاير وول
وفي حبك انا روحت وجيت ........... وانت اقسى مالسى جيت
انت اسأل وانا ارد ............... واديك كمان الباسورد
انا لا مدحت ولا ابراهيم .......... ولا بخش بكذا نيك نيم
ولا بعرف الف ولا ادور ............ وعاملى ون باسبور
وكل ما اجيلك اتمختر ............ تدينى بلوك وانتر
ما تحن يا روحى وتماين ....... وخليك معايا اون لاين
وقول لى مهرك ايه ؟؟ .......... اشتريلك نت كافيه ؟؟
ده انا هبنى لك بيت كذا دور .... وهجيب لك بانتيوم فور
وهقول لك ثانك يوو ............ لو ضفتنى ع الايس كيوو
وحلمى قبل ما انام ..................... اشوف صورتك عالكام
ولو في حبك احترت .................. هعمل لقلبى ريستارت
وسلام.. انا كده استويت ......... وهعمل لحبك دليت
ههههههههه
