السلااااااااااام عليكم
الأول كدة اصحابي حبايبي اللي شجعوني في موضوعي الاولاني و ساعودني على انه يتثبت لاني بجد بجد تعتبت جدا فيه و هما قدروا تعبي ده بزيااادة اوي كمان هو و فتكات ليهم مني كل الشكر لانهم هم اللي زقوني اني اعمل الموضوع ده كمان
محتاسة في ميكب كتير...تعالي شوفي الميكب بتاعي بالصووووور
http://forums.fatakat.com/thread461201
بصوا بقا دلوقتي سعادتك عندك كام سنة ...متقوليليش قولثي لنفسك بس
شوفي كام يوم حب عدى عليكي في كل سنة من السنين ديه و مرة تجيبة هدية لده و مرة تجيبي هدية دي المهم يعني مغرقة البشر حواليكي كلهم هدايا و ناسية يا عيني وشك و بشرتك الجميييييلة ده ايه الظلم ده حرام عليكي
بذمتك مين يعني المفروض تحبيه اكتر منه ده عاملك كل حاجة بيديكي جاذبية و شكل حلو و طله تفرحك و تفرح اللي حواليكي ده الوسيلة الوحيدة اللي مخلية الدنيا كلها تعرفك و تميزك عن غيرك
و غلاوتكوا الكلام ليا كمان
عشان كدة بقا هدية عيد الحب السنادي هتبقى لوشنا لا و مش بس كدة دحنا هنعوضوا عن كل سنين الزل و الحرمان اللي قضاها معانا يا عيني
بس نتفق على حاجة الاول انا لا خبيرة تجميل و لا دكتورة ولا حاجة انا طالبة عادية جدا جدا في بكالريوس هندسة... و بالحضور و المشاريع و التسليمات اللي عندي ده غير المذاكرة و حل الشيتات و الكورسا و حاجات كتييييييييير غير منتهية في كلية هندسة يبقى زيي زي اي واحدة مجوزة و بشتغتغل يعني مسمعش كلمة مشغووولة ولا مش فاضييية الواحدة فيكوا لو حطت في دماغها تهبل جوزها او خطيبها بتقعد حضر في هديته شهر قبل المناسبة اللي هقدم فيها الهدية
وشك الغلبان ده يا قلب امه مش محتاج منك شهر ولا حاجة ده هي كام دقيقة من وقتك كل فترة هخليه ينور و يفتح و يصفى و يزقطط من الفرحة
هااااااااا اقتنعتوا؟؟؟؟
طيب ادي اول مرحلة خلصت :مرحلة الاقناع >>>> تم
تاني مرحلة ال layout بتاع الموضوع: شكل الموضوع هيمشي ازاي يعني (انا حاول اجيب معناها بظبط معرفتش اكلية لحس مخي خالص)
1- المهم يعني هنعمل روتين يومي و روتين اسبوعي و الاتنين هبل مش هياخدوا كام دقيقة بقولكوا... بس طبعا هبدأ بالروتين الاسبوعي لاني مجربة قبل كدة ادخل على مواضيع كدة و اول مقرا الروتين اليومي اقول الللللله حلو اوي كفاية عليا كدة و انفض للروتين الاسبوعي و طبعا انا مش هدي مجال للاستنصاح ده يحصل في موضوعي
2- كل روتين هكتب انا بعمله ازاي و المنتجات اللي انا بستعملها دلوقتي (محنا هنشغل سوا مش هقولكوا و اخلع طبعا)>>> بعدين هقولكوا المنتجات اللي استعملتها قبل كدة و المنتجات البديلة اللي برشحها و سمعت عنها انها كويسة و اللي لسة هجربها
3- المشاكل الخاصة بالبشرة و حلولها و بما اني تقريبا عانيت من كل المشاكل اللي في الدنيا فانشاء الله هقدر افيدكوا و اقولكوا عالحلول الحلوة
4- لو عدد الصفحات زاد (و ده انشاء الله انشاء الله هيحصل عشان احنا هنقعد سوا كتير) هيبقى في اخر صفحة رد بعنوان الفهرس ده هيبقى فيه ارقام صفحات كل حاجة هنتكلم عليها و اهم الردود كمان زي الموضوع بتاع الميكب بتاعي ادخلوا عليه هتفهموا انا اقصد ايه.... عشان يسهل عليكوا و متفضلوش تقلبوا الموضوع كله و توصلوا للي عايزينه على طول... و اللي مش هتلاقيه في اخر صفحة يبقى انا لسة مدخلتش اضيفه هتلاقيه في الصفحة اللي قبلها
و ااااااادي تاني مرحلة >>> تم
المرحلة التالتة: التنفييييييييييذ
و لمعلوماتكوا بقا هزعل اوي اوي اوي لو دي محصلتش و احنا سوا هنشجع بعض اوي
هنحدد كل يوم هنعمل فيه ايه بظبط و كل يوم هدخل اقولكوا انهاردة انا عملت كذا و كذا و كذا و كذا و انتوا كمان تدخلوا تقولولي و هنحط قواني للتنفيذ عشان اي بنوتة تدخل معانا من نص الموضوع تعرف تكمل و تمشي معانا عادي جدا ماشي؟؟؟؟
امممممم كدة خلاص ابطل رغي و تناكة و شروط بقا و المفروض ابدأ على طول ههههههه وحياتي متزعلوا مني انا بس مش مصدقة لسه انه انا اللي بكتب الموضوع ده و انا من شهرين بس كنت يالهوييييييي اجاركم الله مقولكوش بس بجد بجد اللي هتعمل زيي مهتعرف نفسها>> زيي دلوقتي كدة برضه
و عايزة اقولكوا ان مجرد ميعدي اول شهر و تبصي في المرايا و تدققي بقا هتلاحظي الفرق جدااااا و الموضوع هيديكي رضا و حماسة مش طبيعية هيبقى ادمان برضه يعني انا بقيت لو عدى يوم عليا ملحقتش اعمل فيه اي خدمة في وشي متنكدة جدا والله و هو والله ابن حلال على الاقل بيتمر فيييييه الهدايا و الاهتمام مش زي ناس تانيةماااااا علينا
المهم القاعدة الذهبية اللي هتخلينا نعمل كل حاجة : حبي وشك و هاديه و على قد ما عايزاه يديكي اديه<<< و عجبي
حاليا مطلوب منكوا بس التشجييييييييع كمان حبة هزن عليكوا بالتقيييييم و التنفيييذ لمممما تزهقوا
بشرتي دهنية جدا و حسااااسة يعني كل المنتجات اللي انا بستعملها دي لنوع بشرتي بس
اللي نوع بشرتها مختلف تبص عالمنتجات البديلة
